Šolc: Rasija na vajnie va Ukrainie hublaje 24 tysiač čałaviek u miesiac
Siudy kancler Niamieččyny ŭklučyŭ i ciažkaparanienych.
Na vajnie va Ukrainie štomiesiac hinuć abo atrymlivajuć ciažkija ranieńni da 24 tysiač žaŭnieraŭ RF, zajaviŭ Ołaf Šolc. Heta, jak i hibiel mirnych žycharoŭ, — vynik «impieryjalistyčnaj manii vieličy» Pucina, cytuje słovy kancler FRH Deutsche Welle.
«Jość ličby, jakija kažuć pra 24 tysiačy zahinułych abo ciažkaparanienych (na vajnie z Ukrainaj) rasijskich sałdat u miesiac», — zajaviŭ kancler FRH Ołaf Šolc.
Šolc padkreśliŭ, što hetyja straty rasiejskaha vojska, hetak ža jak i hibiel mnohich ukrainskich žaŭnieraŭ i mirnych žycharoŭ, — vynik «impieryjalistyčnaj manii vieličy» Uładzimira Pucina. Prezident RF ličyć Ukrainu i Biełaruś častkami Rasii, i tamu parušyŭ pryncyp nieparušnaści miežaŭ, jaki dziesiacihodździami dziejničaŭ u Jeŭropie, adznačyŭ niamiecki kancler.
USU śćviardžaje, što ź lutaha 2022 hoda zahinuli ŭžo bolš za 500 tysiač rasijskich vajskoŭcaŭ.,
Kamientary