Здароўе

Новы тэст прадказвае дэменцыю за 9 гадоў да пастаноўкі дыягназу

Дакладнасць новага тэста перавышае 80%. У чым яго сутнасць?

Фота: Luis Alvarez / Getty Images

Вучоныя з Лонданскага ўніверсітэта Каралевы Марыі распрацавалі новую методыку, якая дазваляе прагназаваць развіццё дэменцыі з дакладнасцю звыш 80% за дзевяць гадоў да пастаноўкі дыягназу. Гэты метад значна пераўзыходзіць традыцыйныя падыходы.

Як піша выданне Scitech Daily, прагнастычны тэст заснаваны на аналізе зменаў у эфектыўнасці сувязі «сеткі рэжыму па змаўчанні» (DMN), якая аб'ядноўвае дзесяць абласцей мозгу для выканання пэўных кагнітыўных функцый. Менавіта DMN у першую чаргу паражаецца хваробаю Альцгеймера.

У гэтым ім дапамаглі здымкі функцыянальнай магніта-рэзананснай тамаграфіі (фМРТ), якія захоўваюцца ў Брытанскім біябанку. Усяго былі прааналізаваны здымкі звыш 1100 чалавек.

Даследчыкі прысвоілі кожнаму пацыенту значэнне верагоднасці развіцця дэменцыі на аснове таго, наколькі эфектыўнасць сувязі яго DMN адпавядае шаблону, які паказвае на дэменцыю, або кантрольнаму шаблону (без дэменцыі).

Затым навукоўцы параўноўвалі свае прагнозы з медыцынскімі данымі кожнага пацыента, зарэгістраванымі ў Брытанскім біябанку.

Вынікі, пра якія навукоўцы расказалі ў часопісе Nature Mental Health, паказалі, што іх мадэль з дакладнасцю больш за 80% прадказала пачатак дэменцыі за дзевяць гадоў да таго, як быў пастаўлены афіцыйны дыягназ.

Акрамя таго, падчас свайго даследавання навукоўцы выявілі ўздзеянне генетычнай рызыкі хваробы Альцгеймера і сацыяльнай ізаляцыі на змены ў DMN і верагоднасць развіцця дэменцыі.

Гэтае адкрыццё, як адзначаюць аўтары, будзе мець жыццёва важнае значэнне для ранняй дыягностыкі і больш дакладнага прагназавання дэменцыі, распрацоўкі метадаў лячэння, якія змогуць перадухіліць незваротную страту клетак галаўнога мозгу, што ў выніку выклікае сімптомы дэменцыі.

Распрацаваны падыход патэнцыйна можа запоўніць велізарны клінічны прабел, прадставіўшы неінвазійны біямаркёр дэменцыі — фМРТ. Збор неабходных даных на МРТ-сканеры займае каля 6 хвілін, таму яго можна інтэграваць у цяперашнія дыягнастычныя метады, асабліва там, дзе МРТ ужо выкарыстоўваецца.

Каментары

Цяпер чытаюць

Лукашэнка хоча пабудаваць другую АЭС на патрэбы Расіі і акупаваных украінскіх тэрыторый. Але яго чакае сюрпрыз13

Лукашэнка хоча пабудаваць другую АЭС на патрэбы Расіі і акупаваных украінскіх тэрыторый. Але яго чакае сюрпрыз

Усе навіны →
Усе навіны

На «Белсаце» стартавала ранішняе шоу, дзеля якога Раецкая, Дудзінскі і Халатран загаварылі на беларускай мове25

Орбан выставіў 12 патрабаванняў да ЕС26

З 1 красавіка ўступаюць у сілу новыя правілы па платных падпісках ад мабільных аператараў2

У Салігорску банкамат выдаў такія даляры, што ў банку не захацелі прымаць2

У Германіі мужчына, назваўшыся «генерал-лейтэнантам», цэлы год здзекаваўся з сям’і і рыхтаваў яе да адбіцця выдуманай атакі1

Беларусы распавядаюць пра дактыласкапію на ўездзе ў Грузію. Спецыяльна для грамадзян Беларусі?3

У Іраку забіты адзін з лідараў «Ісламскай дзяржавы»1

Тры порцыі марожанага і пераапранутая бабуля ў лесе — як затрымлівалі забойцу з праспекта Ракасоўскага і яго бацькоў7

У Гродне загінула 19-гадовая дзяўчына, яе аўто сутыкнулася з машынай хуткай дапамогі

больш чытаных навін
больш лайканых навін

Лукашэнка хоча пабудаваць другую АЭС на патрэбы Расіі і акупаваных украінскіх тэрыторый. Але яго чакае сюрпрыз13

Лукашэнка хоча пабудаваць другую АЭС на патрэбы Расіі і акупаваных украінскіх тэрыторый. Але яго чакае сюрпрыз

Галоўнае
Усе навіны →

Заўвага:

 

 

 

 

Закрыць Паведаміць