Эканоміка33

Расійскі ваенпрам сур'ёзна завінаваціўся Беларусі. Не дапамагаюць нават суды

Найбольшая сума пратэрмінаванай дэбіторскай запазычанасці ў Беларусі лічыцца за прадпрыемствамі, падпарадкаванымі Міністэрству абароны. Камітэт дзяржаўнага кантролю ў заключэнні аб выкананні бюджэту за 2023 год назваў трох найбуйнейшых даўжнікоў. «Флагшток» дзякуючы Аб'яднанню былых сілавікоў Беларусі Belpol азнаёміўся з гэтым дакументам.

Узоры вайсковай тэхнікі на выставе MILEX-2023 у Мінску. Фота: БелТА

Сума пратэрмінаванай дэбіторскай запазычанасці ў арганізацыях Міністэрства абароны на 1 студзеня 2024 года склала 5 818 тысяч BYN (1,8 млн USD). Гэта 51,3% ад усёй пратэрмінаванай дэбіторскай запазычанасці па сродках рэспубліканскага бюджэту.

Другое месца па суме пратэрмінаванай дэбіторскай запазычанасці займаюць арганізацыі, падпарадкаваныя Гомельскаму аблвыканкаму (3 113,2 тыс. BYN, або 27,5%).

У заключэнні Камітэта дзяржкантролю прыводзіцца падрабязная характарыстыка ўтварэння пратэрмінаванай дэбіторскай запазычанасці прадпрыемстваў Міністэрства абароны. Аказалася, што больш за 90% пратэрмінаванай запазычанасці складаюць неадпрацаваныя ў дамоўны тэрмін авансы, выплачаныя вытворцам з Расійскай Федэрацыі.

За Міністэрствам абароны з 2019 года лічыцца пратэрмінаваная запазычанасць у суме 751 тыс. BYN за аплачаныя, але не пастаўленыя

ПАТ «Тантал» (Расія) магнетронныя імпульсныя ўзмацняльнікі. Меры дасудовага і судовага характару па вяртанні бюджэтных сродкаў станоўчых вынікаў да гэтага часу не прынеслі. У 2021 годзе пасля задавальнення пазоўных патрабаванняў Міністэрства абароны ўключана ў рэестр крэдытораў.

Пратэрмінаваная дэбіторская запазычанасць агульнай сумай 647,9 тыс. BYN налічваецца ў сувязі з невыкананнем у поўным аб'ёме АТ «Верталёты Расіі» дамоўных абавязацельстваў па рамонце асобных вузлоў тэхнікі.

Гэтая пратэрмінаваная запазычанасць упершыню з'явілася ў лістападзе 2020 года.

Найбуйнейшым па велічыні доўгу контрагентам з'яўляецца ПАТ «ГЗАС імя Папова» (Расійская Федэрацыя).

Гэта прадпрыемства расійскага ваенпраму лічыцца ў даўжніках з лістапада 2023 года ў сувязі з няпоўным выкананнем абавязацельстваў згодна з аплачаным 60-працэнтным авансам у памеры 3 342,4 тыс. BYN. Паводле дамоўленасці, расійскае прадпрыемства павінна было вырабіць і паставіць рухомы вузел сувязі.

Спецыялісты Камітэта дзяржкантролю звяртаюць увагу на той факт, што вынікам затрымкі выканання абавязацельстваў расійскім бокам з'яўляецца адцягненне бюджэтных сродкаў з фінансавага абароту, што прыводзіць да негатыўнага эканамічнага эфекту.

Каментары3

  • Кідалава
    08.07.2024
    Прыдуркі, рускія ніколі не плацяць
  • Гога
    08.07.2024
    Кідалава, Не правда! За счет чего тогда живет вся экономика РБ уже почти 30 лет!???? Другое дело что мы сами продали за эти деньги свою страну.И не надо все валить на одного....Всех все устраивало в экономике до недавних пор!
  • засталіся без сумлення і без бабла
    08.07.2024
    Не дапамагаюць нават суды, таму што інагда не да законаў, а па паняццях прадпрыемствы ВПК Белоруссіі выканалі работы, аказалі паслугі, паставілі тавары па-брацку. А які ж братан патрабуе ў братана аплату за сваю дапамогу? Пацаны, вы чё, папуталі?!))

Цяпер чытаюць

Ці пагражае Крыму блакада праз паралізаваны Крымскі мост?1

Ці пагражае Крыму блакада праз паралізаваны Крымскі мост?

Усе навіны →
Усе навіны

Расія атакавала балістычнымі ракетамі Паўночны і Паўднёвы масты Кіева2

У Расіі заявілі, што ўдзел Еўропы ў перамовах па Украіне з імі не ўзгадняўся. Хоць Уіткаф і Кушнер сцвярджалі адваротнае2

Былая жонка буйнога беларускага бізнэсмена прысвяціла разводу мастацкую выставу: з выкарыстанымі прэзерватывамі12

Па Мазыры панесліся чуткі пра маньяка і серыйныя забойствы. А што напраўду?

18‑гадовы аргенцінскі футбаліст памёр пасля прылёту мяча ў галаву1

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі21

Беёнсэ стала першай артысткай, якую намінавалі на «Грэмі» 100 разоў1

Расійскі хакеіст, які амаль усю кар'еру гуляў у Беларусі, пайшоў заваёўваць Украіну і загінуў1

30‑гадовы блогер Максім Пушкін зрабіў другую перасадку валасоў. Колькі заплаціў?17

больш чытаных навін
больш лайканых навін

Ці пагражае Крыму блакада праз паралізаваны Крымскі мост?1

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць