«Ён павінен быў адчуваць моцныя пакуты, гэта як кінжал у жываце». Год таму памёр палітвязень Алесь Пушкін
Алесь Пушкін памёр 11 ліпеня на 58-м годзе жыцця ў рэанімацыі гродзенскай бальніцы, куды яго даставілі з турмы. У мастака была прабадная язва.
Вядомы беларускі мастак, жывапісец-нонканфарміст, перформер быў затрыманы 30 сакавіка 2021 года, пасля вяртання з Кіева, і праз год асуджаны на пяць гадоў калоніі па абвінавачанні ў здзеку з дзяржаўных сімвалаў (артыкул 370 КК) і распальванні варожасці (частка 3 артыкула 130 КК).
Адной з падстаў затрымання быў партрэт антысавецкага партызана Аўгена Жыхара, размешчаны на выставе ў Гродне.
Спачатку пакаранне адбываў у івацэвіцкай калоніі, а потым быў пераведзены на турэмны рэжым у Гродне.
Мастака ўжо ў непрытомным стане прывезлі ў бальніцу 11 ліпеня 2023 года, на аперацыйным стале ў яго спынілася сэрца.
— Пушкіна прывезлі ў бальніцу фактычна пры смерці. У яго быў развіты перытаніт, быў сэптычны стан і паліорганная недастатковасць. Калі сказаць простай мовай, у яго была дзірка ў страўніку. Практычна не было шанцаў на выратаванне.
Прабадная язва выклікае востры боль. Таму пацыент адразу звяртаецца са скаргамі. У большасці выпадкаў у чалавека ёсць некалькі дзён для таго, каб ліквідаваць праблему аператыўна. Калі чалавеку своечасова дапамагчы, ён будзе далей жыць. Пасля такіх аперацый пацыента, як правіла, ужо праз пару дзён адпускаюць дадому. Калі гэтага не зрабіць своечасова, то прабадзенне язвы выкліча перытаніт і пасля сэптычны шок.
Сітуацыя з Пушкіным? Яго проста забілі ў турме, па-іншаму я гэта не назаву. Проста не магло быць такога, каб ён не звяртаўся ў турме па дапамогу, бо такая клінічная карціна выклікае востры боль.
Ён павінен быў адчуваць моцныя пакуты, гэта як кінжал у жываце, — казаў тады суразмоўца выдання Most.
Смерць Алеся Пушкіна сталася моцным шокам.
Сёння ў прасторы «Кропка» ў цэнтры Вільні а 18-й адкрыецца выстава малюнкаў мастака.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары