Прэзідэнт Аргенціны Мілей заклікаў армію Венесуэлы абараніць дэмакратыю і волю народа
Краіны свету пачалі выказваць сваё стаўленне да абвешчаных вынікаў выбараў прэзідэнта Венесуэлы. Аргенціна, Перу і Чылі не прызналі перамогу Мадуры.
Прэзідэнт Аргенціны Хаўер Мілей назваў пераможцам прэзідэнцкіх выбараў апазіцыянера Эдмунда Гансалеса. Кіраўнік МЗС Перу Хаўер Гансалес-Алаэчэа назваў галасаванне ў Венесуэле «замахам на народную волю».
Міністр замежных спраў Чылі Альберта ван Клаверэн заявіў, што чылійскі ўрад не прызнае перамогу Нікаласа Мадуры, пакуль свае высновы не агучаць міжнародныя назіральнікі. Прэзідэнт Чылі Габрыэль Борыч таксама заклікаў забяспечыць «поўную празрыстасць праверкі пратаколаў».
Прэзідэнт Аргенціны Хаўер Мілей адмовіўся прызнаць перамогу Мадуры:
«Аргенціна не збіраецца прызнаваць чарговае махлярства і спадзяецца, што ўзброеныя сілы на гэты раз будуць абараняць дэмакратыю і волю народа».
Дзяржсакратар ЗША Энтані Блінкен заявіў, што ў ЗША ёсць «сурʼёзныя асцярогі, што абвешчаныя вынікі не адлюстроўваюць волю або галасы венесуэльскага народа».
Венесуэльская апазіцыя выказала ўпэўненасць, што вынікі гэтых прэзідэнцкіх выбараў, як і мінулых у 2018 годзе, падтасаваныя.
Лідар апазіцыі Марыя Мачада, якой улады забаранілі балатавацца, і якую замяніў Эдмунда Гансалес, апублікавала ў твітары заклік да войска.
Аднак армія заўсёды падтрымлівала Нікаласа Мадуру, піша BBC.
Улады Венесуэлы 29 ліпеня абвясцілі, што на нядзельных прэзідэнцкіх выбарах перамог дзейны прэзідэнт Нікалас Мадура. За яго, паводле афіцыйных звестак, прагаласаваў 51% выбаршчыкаў. Незалежныя апытанні давалі 60% галасоў яго суперніку.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары