У Дагестане мужчына ў жаночым нікабе расстраляў паліцэйскіх — яго шукаюць ужо сем гадоў
У 2016 годзе ўлады абвясцілі аб яго ліквідацыі. Але праз год ён зноў расстраляў сілавікоў.
У Дагестане мужчына ў жаночым нікабе расстраляў двух паліцэйскіх. Сілавікі спынілі чалавека ў традыцыйнай мусульманскай рэлігійнай жаночай вопратцы — і той адкрыў агонь.
Як аказалася, мужчына ў нікабе — гэта лідар групы баевікоў Алі Дэмільханаў, яго не могуць злавіць ужо сем гадоў, піша Baza.
У 2016 годзе на дарозе Ніжні Герзель — Энгель-Юрт паспрабавалі спыніць два аўтамабілі. З машын па сілавіках адкрылі агонь з аўтаматаў, а таксама закідалі паліцэйскіх гранатамі. Тады пацярпелі чатыры сілавікі.
Неўзабаве МУС дало справаздачу адносна аперацыі па знішчэнні тых, хто нападаў, сярод іх быў лідар групы Алі Дэмільханаў. Але праз год ён «ажыў» — расстраляў двух паліцэйскіх і ўцёк.
Цяпер МУС Дагестана зноў распаўсюдзіла арыенціроўку на Дэмільханава. Ураджэнец Чачні, які хаваецца ўжо сем гадоў, перасоўваецца па Дагестане ў жаночым нікабе — шырокай вопратцы з доўгімі рукавамі, якая да таго ж цалкам закрывае твар.
Нядаўна муфтыі Дагестана часова забаранілі насіць нікабы ў мэтах барацьбы з тэрарызмам.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў13
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары