Беларусы паехалі ў Грузію на аўтобусе і прастаялі на расійска-грузінскай мяжы 24 гадзіны
Беларускія турысты паехалі ў аўтобусны тур на мора ў Кабулеці (Грузія), але захраслі на расійска-грузінскай мяжы ажно на суткі. «Турысты з РБ — героі» — падпісаў сваё відэа ў тыктоку іх грузінскі гід.
З улікам праблем з візамі і чэргамі на мяжы Беларусі з Еўрасаюзам усё больш беларусаў выбіраюць у якасці таннага адпачынку на моры Грузію. Цэны сапраўды прыемна ўражваюць: напрыклад, на канец жніўня можна знайсці прапановы з Мінска ў Кабулеці (9 начэй адпачынку на моры, а потым яшчэ экскурсіі) за 400 даляраў на чалавека.
Для параўнання: толькі квіток у адзін бок на самалёт са сталіцы Беларусі ў курортны Батумі на 19 верасня (раней няма) каштуе 1112 рублёў (прыкладна 350 даляраў).
Але ж, як высветлілася, складанасці на мяжы могуць узнікнуць і калі едзеш на аўтобусе праз расійска-грузінскую мяжу. Гід па Грузіі выклаў у тыктоку ролік з беларускімі турыстамі, якім не пашанцавала ехаць праз мяжу ў Верхнім Ларсе суткі.
— Вы для мяне ўсе героі, — кажа мужчына на відэа. — Вы 24 гадзіны прастаялі на мяжы, ехалі сюды трое сутак (сёння ўжо чацвёрты дзень, атрымліваецца). Вы суперскія, я ганаруся вамі.
Відэа набрала каля 55 тысяч праглядаў. У каментарыях з’явілася жанчына, якая ехала ў тым самым аўтобусе. Яна напісала, што стаміліся яны моцна, але цяпер усё клас.
Былі і тыя, каму таксама «пашанцавала», але ж аптымізму захавалася менш. «Мы столькі ж прастаялі з 7 па 8 ліпеня. Згубілі дзень адпачынку. Гэта жудасна, не варта таго», — напісала адна з каментатарак.
Яшчэ некаторыя каментатары пачалі абурацца наконт таго, хто ж павінен аплачваць гэты самы «згубіўшыся» дзень доўгачаканага адпачынку на моры.
А вопытныя аматары такога адпачынку падзяліліся сваімі лайфхакамі: «Бярыце мачагоннае, прымайце перад транзітным начлегам, вельмі ацякаюць ногі. Старайцеся больш рухацца, на ўсіх прыпынках старайцеся больш хадзіць. Дарога рэальна цяжкая, але лепей, чым на працы».
Бутэлька прасэка ў рэстаране — 210 даляраў. Вядучая БТ распавяла пра кошт адпачынку ў Катары
«Не апісаць жаху, які я перажыла ў аэрапорце». Беларусы расказалі, як важна бывае заглядаць ва ўласны пашпарт
Найбагацейшая жанчына Расіі прыехала на адпачынак у Беларусь
Больш за суткі пакут: як беларусы праходзяць польскую мяжу
Цяпер чытаюць
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне6060
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне60
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1717
Каментары