У Асіповічах дзеці чысцілі ровар у гаражы і ледзь не загінулі — на іх загарэлася адзенне
Адзін з хлопчыкаў вырашыў пагуляць з газавым балонам.
Хлопчыкі 12 і 14 гадоў увечары 27 жніўня патрапілі ў лякарню ў Асіповічах з апёкамі.
Дзеці бавілі час у гаражы ў адным з кааператываў. Адзін з хлопцаў чысціў тармазныя калодкі ў ровары — для гэтага ён абрэзаў бутэльку і наліў туды бензін.
У гэты час другое дзіця знайшло партатыўны газавы балон з газавай гарэлкай і вырашыў з ім пагуляць. У выніку адбыўся выбух парапаветранай сумесі і пачаўся пажар. На дзецях загарэлася адзенне.
Хлопчыкі ўпалі на падлогу і пачалі перакочвацца, што дапамагло ім патушыць адзенне. Яны выкаціліся на вуліцу, дзе ім на дапамогу паспяшаліся відавочцы з суседніх гаражоў, якія патушылі агонь з дапамогай вады і вогнетушыцеля. Сусед, які знаходзіўся ў гаражы непадалёк адвёз дзяцей у бальніцу.
Амаль цалкам адзенне згарэла, агонь пашкодзіў і маёмасць, што знаходзілася ў гаражы. МНС праводзіць праверку.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх10
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1515
Каментары