Чалы: Чым даўжэй Лукашэнка марудзіць з выбарамі, тым больш аргументаў, каб яму не ісці
А ў патрыятычнай песні, напісанай у гонар палітыка, схавана цікавая дэталь.
У выпуску навін Беларускага расследавальніцкага цэнтра аналітык Сяргей Чалы тлумачыць, чаму раней казаў, што Лукашэнка не пойдзе на выбары. Па-першае, ён так і не перажыў псіхалагічную траўму 2020 года. Па-другое, яму лянота і цяжка займацца мікраменеджментам. Дый юрыдычны механізм выбудаваны — Усебеларускі народны сход, дадатковыя артыкулы ў Крымінальным кодэксе для абароны былога прэзідэнта і яго сям'і.
У адказах Лукашэнкі на пытанні людзей на сустрэчах Чалы падкрэслівае тры новыя тэзісы:
- вы павінны прывыкаць;
- публічна пачынаю казаць усім вам;
- рыхтуем змену.
Аналітык лічыць, што на Лукашэнку ціснуць дзве групы ў яго атачэнні — адныя баяцца, што прападуць без яго і просяць застацца, працягваць жорсткую лінію, а другія прапануюць пакінуць пасаду і пачаць нармалізоўваць палітыку.
«Я па-ранейшаму лічу, што Лукашэнка больш не хоча ўдзельнічаць ні ў якіх выбарах. Сітуацыя такая, што чым даўжэй Лукашэнка марудзіць і сумняецца, ісці ці не ісці, тым аб'ектыўна больш аргументаў на карысць таго, каб не ісці. Таму што тым болей ён выглядае не як некалі малады і энергічны лідар, а як хворы і нерашучы стары», — кажа Чалы.
Ён іранічна падмеціў, што ў выпадку замены Лукашэнкі пераемнікам нават словы патрыятычнай песні, напісанай у яго гонар, мяняць не давядзецца. Там спяваецца «Бацька ў нас круты» — калі на месца Лукашэнкі прыйдзе кіраўнік яго Адміністрацыі Дзмітрый Круты, то і праблемы няма.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары