На Паўднёва-Усходнюю Азію абрынуўся моцны тайфун, ад якога церпяць і беларусы
Ужо некалькі дзён у краінах Паўднёва-Усходняй Азіі лютуе моцны тайфун, якому далі імя Ягі. Нядаўна ён абрынуўся на В'етнам, дзе забраў жыцці 21 чалавека ў В'етнаме, яшчэ больш за 200 чалавек атрымалі раненні.
«Ягі» стаў самым моцным тайфунам, які прайшоў сёлета ў Ціхаакіянскім рэгіёне. Асноўны ўдар прыйшоўся на в'етнамскія паўночна-ўсходнія прыбярэжныя правінцыі Куангнінь і Хайфон, парывы ветру перавышалі 150 кіламетраў за гадзіну.
Тайфун выклікаў шматлікія паводкі і апоўзні. Чакаецца, што ён рассеецца ў панядзелак. Учора, 8 верасня, «Ягі» аслабеў да ўзроўню трапічнай дэпрэсіі.
На мінулым тыдні ён абрынуўся на Філіпіны, дзе загінула 20 чалавек, а затым на поўдзень Кітая, дзе забраў жыцці яшчэ чатырох чалавек і прымусіў каля мільёна грамадзян пакінуць свае дамы.
Не мінуў тайфун і кітайскага вострава Хайнань, які апошнім часам стаў папулярным турыстычным кірункам. Хуткасць парываў ветру на ім дасягала 209 кіламетраў за гадзіну, з-за чаго на востраве пазакрываліся ўсе пляжы і крамы. Мясцовых жыхароў і турыстаў папрасілі не выходзіць з дамоў і гатэляў.
Сярод турыстаў, якія знаходзяцца на Хайнані, апынулася і сям'я з Беларусі. Вольга і Улад дабіраліся ў далёкія краі амаль двое сутак. У турагенцтве іх папярэдзілі, што цяпер на востраве можа быць непрадказальнае надвор'е: калі пашанцуе — усё добра, але гэта не абавязкова.
Беларусам усё ж такі не пашанцавала. Яшчэ ў канцы жніўня на ўзбярэжжы праз надвор'е закрылі ўсе пляжы, а 6 верасня, калі вецер стаў мацнейшы, зачыніліся і крамы. Турыстаў папрасілі заставацца ў сваіх нумарах і не пакідаць іх.
У адным з гарадоў вострава вецер бушаваў з такой сілай, што зрываў прыборы кандыцыянераў з будынкаў. А яшчэ там знікла электрычнасць.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс17
Каментары