У Полацкім раёне мужчына патануў у каналізацыйным калодзежы — гэта другі выпадак у краіне за апошнія дні
Нядаўна аналагічны выпадак адбыўся ў Паставах.
Фота: Таварыства выратавання на вадзе
Мужчына загінуў, упаўшы ў каналізацыйны калодзеж у адной з вёсак Полацкага раёна.
Цела мужчыны 1969 года нараджэння знайшлі нагамі ўніз у калодзежы глыбінёй 2,5 метра, запоўненым сцёкавымі водамі. Абставіны ўтаплення высвятляюцца, паведамляе Таварыства выратавання на вадзе.
Гэта ўжо другі падобны выпадак за апошнія дні ў Беларусі. 30 верасня мужчына 1964 года нараджэння ўпаў у каналізацыйны калодзеж на адным з прыватных падворкаў у Паставах.
Цела без прыкмет жыцця з калодзежа дасталі супрацоўнікі МНС. Загінулага знайшоў ягоны сябар, які прыйшоў у госці. Следчыя праводзяць праверку.
Цяпер чытаюць
Бяспалаў намаляваў людзей са сцягамі ў цэнтры Мінска і адправіў фота ў міліцыю. З’ехаліся тры машыны з мігалкамі49
Каментары