Продажы аўтамабіляў і электрамабіляў у Беларусі б'юць гістарычныя рэкорды
Попыт на легкавыя аўтамабілі ў Беларусі сёлета імкліва расце, расказалі на прэс-канферэнцыі Беларускай асацыяцыі аўтамабіляў (БАА), піша av.by.
«У студзені гэтага года агучваўся прагноз, які прадугледжваў рост продажаў на 25% і выхад рынку на адзнаку ў амаль 27 000 прададзеных новых аўто. Аднак гэты ўзровень быў дасягнуты ўжо па выніках мінулых 8 месяцаў», — адзначыў на прэс-канферэнцыі старшыня праўлення БАА Сяргей Варывода.
Паводле яго слоў, толькі за лета 2024-га прададзены 13 061 экзэмпляр. Пры гэтым колькасць мадэляў, якія афіцыйна рэалізуюцца ў краіне, складае 91, з якіх 12 — электрамабілі. Як падкрэсліў Варывода, «аснова нашага рынку — гэта аўтамабілі, што вырабляюцца ў краіне».
Таму прагноз перагледзелі ў бок павелічэння: да 47 000 — 48 000 прададзеных аўтамабіляў.
«Калі […] гэты паказчык будзе дасягнуты, то мы атрымаем беспрэцэдэнтны рост продажаў за ўсю больш чым 20-гадовую гісторыю асацыяцыі, а менавіта 115% (або больш чым у два разы)», — падкрэсліў Сяргей Варывода.
Продажы электратранспарту яшчэ больш здзіўляюць: яны дасягнулі дзесяціразовага ўзроўню адносна адзнакі мінулага года. Доля продажу такіх машын сярод усіх легкавікоў склала 5,86% (паводле даных за 10 месяцаў 2024 года). Для параўнання, у 2023 годзе гэты паказчык быў 1,93%.
Прытым для 2025 года чакаецца, што гэтая доля можа вырасці да 25%, а колькасць мадэляў электрычных легкавых аўтамабіляў дасягне 30 найменняў.
У Варшаве іншаземцы стаялі начамі ў чарзе, каб зарэгістраваць аўтамабіль. Беларус спазніўся на адзін дзень і страціў грошы
Колькасць аўтобусаў на польскай мяжы зноў моцна паменшала
Дызель можа перамагчы электрамабілі? Як еўрапейскі аўтапрам аказаўся на мяжы крызісу
У Германіі тры чалавекі атрымалі рэальныя тэрміны за экспарт люксовых аўто праз Беларусь у Расію
Цяпер чытаюць
Пратасевіч: У мяне няма ніякіх перспектыў, я нікому не патрэбен32
Каментары
Бедзем, хто ня слухаецца дэпутацкае пастановы, лічыць імпэрцамі-забруджальнікамі асяродзьдзя