Нерухомасць66

Пасля працяглага росту ў Беларусі прыкметна знізіўся попыт на нерухомасць. Чаму так адбываецца?

Цягам года попыт на кватэры ў Мінску біў рэкорды. Але з прыходам восені трэнд пераламаўся.

Ілюстрацыйны здымак. Фота: «Наша Ніва»

Попыт пайшоў уніз

У верасні колькасць здзелак на рынку сталічнай нерухомасці даволі рэзка ўпала. Калі ў жніўні было прададзена 1982 кватэры, то ў мінулым месяцы — 1616 (-18%). Гэта найгоршы паказчык за 2024 год, калі не браць пад увагу студзень, калі попыт на нерухомасць традыцыйна знаходзіцца на нізкім узроўні.

Продажы ў верасні 2024-га таксама на 7% меншыя, чым у верасні 2023 года, калі адбылося 1739 здзелак.

З-за спаду аб'ёмаў продажаў крыху знізіўся сярэдні кошт квадратнага метра ў сталіцы — мінус 0,3% па выніках рэальных здзелак. Пры гэтым цэны ў аб'явах па інерцыі працягнулі расці — плюс 1,3%.

Чаму так адбываецца?

Экспертка BEROC Анастасія Лузгіна называе дзве асноўныя прычыны, па якіх попыт на жыллё ў верасні істотна скараціўся.

«Па-першае, крэдыты сталі даражэйшымі. Па-другое, змяніліся правілы выдачы льготных крэдытаў (пад 12,5%). Нядаўна з'явілася прывязка да месца рэгістрацыі. Цяпер нельга стаяць у чарзе, напрыклад, у Калінкавічах, а нерухомасць набываць у Мінску», — тлумачыць эканамістка.

Агенцтвы нерухомасці адзначаюць, што доля пакупнікоў з крэдытамі пасля гэтых змен ужо паспела знізіцца з 40% да 35%. Пры гэтым, падкрэсліваюць, рынак у поўнай меры адчуе гэтыя наступствы толькі па выніках кастрычніка.

Ілюстрацыйны здымак. Фота: «Наша Ніва»

Сярод іншых прычын зніжэння попыту на кватэры эканамістка называе насычэнне адкладзенага попыту.

«За 2022-гі і пачатак 2023 года накапіліся адкладзеныя патрэбы, якія маглі паўплываць на цяперашні попыт, а калі яны насыціліся, продажы пачалі зніжацца», — лічыць экспертка.

Чаго чакаць далей?

Што тычыцца бліжэйшых перспектыў, то, на думку Лузгіной, попыт на нерухомасць можа працягнуць падаць.

«Па выніках жніўня сярэдняя зарплата не вырасла, як у папярэднія перыяды, а наадварот, знізілася на 14 рублёў. Калі гэтыя тэндэнцыі захаваюцца, то больш высокія стаўкі па крэдытах і запаволенне росту даходаў насельніцтва могуць аказваць ахаладжальны ўплыў на рынак жылой нерухомасці», — лічыць эканамістка.

Каментары6

  • Хрэнінг
    11.10.2024
    Калі "льготныя" крэдыты пад 12,5%, то якія ж яны льготныя? Дзяруць, як ліпку! Напэўна, спадзеў у людзей толькі на хуткую дэвальвацыю рубля.
  • Хименес
    11.10.2024
    Квартиры покупают обычно, когда идёт и он виден рост экономики. Работают фирмы, продаются нормальные автомобили и т.д., как раньше. А сегодня витает в воздухе стогнация, да Лукашенко в своём вертолете над Минском, когда звонит Путину по ЗАС...)))
  • Kotya
    11.10.2024
    Хименес, цены на жилье только росли последние годы

Цяпер чытаюць

Келагу паказалі кампраметуючыя відэаматэрыялы на беларускую апазіцыю? Так мяркуе Латушка17

Келагу паказалі кампраметуючыя відэаматэрыялы на беларускую апазіцыю? Так мяркуе Латушка

Усе навіны →
Усе навіны

Так выглядае Часаў Яр пасля захопу расіянамі ФОТЫ22

Насту Лойку перавялі на паўгода ў памяшканне камернага тыпу1

Пракуратура Польшчы пачала папярэдняе следства па справе аб візах PBH. Іх атрымлівалі ў асноўным беларускія айцішнікі8

Ціханоўскі адказаў Лукашэнку наконт палітвязняў: Проста зараз 20 аўтобусаў будзе на мяжы, трэба будзе, будзе 100 — забярэм усіх28

Найлепшы сярод падобных. Дзе можна знайсці копіі Мінскага планетарыя1

Трамп увёў удакладненыя пошліны ў дачыненні да дзясяткаў краін3

У абноўлены санкцыйны спіс трапіў шэраг тавараў бытавой хіміі. Што нельга будзе ўвозіць?24

Мінскае «Дынама» вылецела з еўракубкаў4

Памёр акадэмік Аляксей Мацвееў1

больш чытаных навін
больш лайканых навін

Келагу паказалі кампраметуючыя відэаматэрыялы на беларускую апазіцыю? Так мяркуе Латушка17

Келагу паказалі кампраметуючыя відэаматэрыялы на беларускую апазіцыю? Так мяркуе Латушка

Галоўнае
Усе навіны →

Заўвага:

 

 

 

 

Закрыць Паведаміць