«Тое, што будзе арганізавана рэжымам Лукашэнкі, не мае ніякіх адносін да выбарчага працэсу».
У інтэрв'ю нямецкаму выданню BILD Святлана Ціханоўская расказала, што будзе рабіць у 2025 годзе, у якім пройдуць наступныя прэзідэнцкія выбары.
«У 2020 годзе наша рэвалюцыя была не аб мандаце на пяць гадоў. Наша рэвалюцыя была аб свабодных і сумленных выбарах. І людзі мне далі мандат да таго моманту, калі гэтыя выбары можна будзе арганізаваць.
Выбарны цыкл у Беларусі скончыўся ў 2020 годзе. І тое, што будзе арганізавана рэжымам Лукашэнкі ў 2025 годзе, не мае ніякіх адносін да выбарчага працэсу ўвогуле. Гэта будзе прызначэнне Лукашэнкам самога сябе. Гэта будзе цырк, рытуал нейкі такі савецкі. Але абсалютна не выбары.
У краіне, дзе лідары меркаванняў сядзяць у турме, дзе няма грамадзянскай супольнасці (яна знішчана), дзе свабодныя медыя былі вымушаныя з'ехаць і прызнаныя экстрэмісцкімі, дзе кожны дзень адбываюцца рэпрэсіі, каб не даць людзям права голасу, мы не можам увогуле гаварыць аб выбарах.
Таму, зразумела, Лукашэнка, хутчэй за ўсё, будзе праводзіць гэты рытуал.
А мы, як дэмакратычны рух, проста будзем выкарыстоўваць гэтую сітуацыю для палітычнай мабілізацыі беларусаў»,
— расказала Святлана Ціханоўская.
Цяпер чытаюць
З чорнага спісу артыстаў прыбралі тры гурты. Дазволілі нават «Кіно»1
З чорнага спісу артыстаў прыбралі тры гурты. Дазволілі нават «Кіно»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
А тое, што было арганізавана рэжымам Лукашэнкі ў 2020 годзе хіба мела нейкія адносіны да выбарчага працэсу?
Хто абраў, каго ўнесці ў бюлетэні? Ярмошына.
Ярмошына абрала, каго зарэгістраваць. Падманутыя людзі "абіралі" з тых, каго абрала для рэгістрацыі Ярмошына.
Хацелі ж за Сяргея Ціханоўскага галасаваць.
"Гэта будзе прызначэнне Лукашэнкам самога сябе". А хіба ў 2020м было неяк па іншаму? Лукашэнка прызначыў самога сябе. Тое ж самае было і ў 2015, і ў 2010, і ў 2006, і ў 2001. І фальсіфікацыі тых гадоў зафіксаваныя. Выбары тых гадоў не прызнаныя іншымі краінамі. Лукашэнка нелегітымны яшчэ з тых часоў.
"Гэта будзе цырк". А хіба ў 2020м быў не цырк? "Але абсалютна не выбары". А што, ў 2020м гэта былі выбары?
Сцэнар заўсёды адзін і той жа.
У 2015 такой жанчынай была Таццяна Караткевіч.