З Зяленскім новы амерыканскі прэзідэнт ужо сазвоньваўся.
Дональд Трамп сказаў у інтэрв'ю тэлекампаніі NBC, што пасля перамогі на выбарах яшчэ не сазвоньваўся з Уладзімірам Пуціным.
«Я думаю, мы пагаворым», — пракаментаваў Трамп.
Ён адзначыўся, што пасля перамогі на выбарах пагутарыў ці не з 70 сусветнымі лідарамі. Адным з іх быў Уладзімір Зяленскі. Падрабязнасцяў размовы Трамп не прывёў. Сам Зяленскі назваў размову «выдатнай».
«Мы дамовіліся падтрымліваць цесны дыялог і развіваць наша супрацоўніцтва», — адзначыў прэзідэнт Украіны.
Уладзімір Пуцін раней павіншаваў Трампа з перамогай, калі выступаў на пасяджэнні дыскусійнага клуба «Валдай» 7 лістапада. Ён сказаў, што не супраць камунікацыі з Трампам.
«Я не лічу ганебным і са свайго боку яму патэлефанаваць. Проста не раблю гэтага, таму што кіраўнікі заходніх дзяржаў з нейкага этапу, ледзь не кожны тыдзень мне тэлефанавалі, а потым раптам спынілі. Ну, не хочуць — і не трэба. Мы, як бачыце, жывыя-здаровыя, развіваемся, ідзём наперад. Калі хтосьці з іх захоча аднавіць кантакт, я заўсёды казаў і хачу яшчэ раз сказаць — мы нічога супраць не маем», — выказаўся Пуцін.
Цяпер чытаюць
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго6
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары
Першы затэлефануе?? Той і прайграў..