Ź Zialenskim novy amierykanski prezident užo sazvońvaŭsia.
Donald Tramp skazaŭ u intervju telekampanii NBC, što paśla pieramohi na vybarach jašče nie sazvońvaŭsia z Uładzimiram Pucinym.
«Ja dumaju, my pahavorym», — prakamientavaŭ Tramp.
Jon adznačyŭsia, što paśla pieramohi na vybarach pahutaryŭ ci nie z 70 suśvietnymi lidarami. Adnym ź ich byŭ Uładzimir Zialenski. Padrabiaznaściaŭ razmovy Tramp nie pryvioŭ. Sam Zialenski nazvaŭ razmovu «vydatnaj».
«My damovilisia padtrymlivać ciesny dyjałoh i raźvivać naša supracoŭnictva», — adznačyŭ prezident Ukrainy.
Uładzimir Pucin raniej pavinšavaŭ Trampa ź pieramohaj, kali vystupaŭ na pasiadžeńni dyskusijnaha kłuba «Vałdaj» 7 listapada. Jon skazaŭ, što nie suprać kamunikacyi z Trampam.
«Ja nie liču haniebnym i sa svajho boku jamu patelefanavać. Prosta nie rablu hetaha, tamu što kiraŭniki zachodnich dziaržaŭ ź niejkaha etapu, ledź nie kožny tydzień mnie telefanavali, a potym raptam spynili. Nu, nie chočuć — i nie treba. My, jak bačycie, žyvyja-zdarovyja, raźvivajemsia, idziom napierad. Kali chtości ź ich zachoča adnavić kantakt, ja zaŭsiody kazaŭ i chaču jašče raz skazać — my ničoha suprać nie majem», — vykazaŭsia Pucin.
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary
Pieršy zatelefanuje?? Toj i prajhraŭ..