Папулярны падлеткавы спявак і блогер Дзім Дзімыч заявіў, што ўступіў у праўладную партыю «Белая Русь». Пост пра гэта ён апублікаваў у сацсетках.
Блогер Дзмітрый Сіўчык, вядомы пад псеўданімам Дзім Дзімыч, расказаў падпісчыкам, што стаў членам праўладнай партыі «Белая Русь».
Дзім Дзімыч стаў шырока вядомы па-за межамі сваёй аўдыторыі, дзякуючы даносам Вольгі Бондаравай і яе паплечнікаў. Яны вінавацілі блогера ў ЛГБТ-прапагандзе. Таксама Бондарава абуралася, што блогер апранаецца ў ружовае, а ў некаторых жартаўлівых роліках быў у сукенцы.
Пасля яе скаргаў з сайта «Еўраопта» знялі рэкламу з Дзім Дзімычам, а яго самога адправілі ў эфір да прапагандыста Рыгора Азаронка.
Пазней блогера-мільённіка выклікалі ў Міністэрства культуры. «Там мы паразмаўлялі наконт майго кантэнту, унеслі правільныя карэкціроўкі», — распавёў блогер у інстаграме.
Пасля даносаў Дзім Дзімычу забаранілі выступаць у школах. Ён падаваў у суд на Бондараву і, паводле яе слоў, прайграў яго.
Нядаўна стала вядома, што з Дзім Дзімычам, Саладухам і Ярмоленкам для Лукашэнкі запісалі песню «Надо!».
Цяпер справа дайшла і да ўступлення ў лукашэнкаўскую партыю.
-
Мішусцін: Цана газу для стран ЕАЭС не перавышае 200 даляраў за 1000 кубаметраў
-
Ціханоўскі лайкнуў камент «У Вольнай Беларусі Ціханоўская будзе сядзець за свае злачынствы»
-
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г4
Каментары
Адзінае: просьба да беларускіх падлеткаў: пашырайце сярод сяброў думку, што быць падпісаным цяпер на Дзім Дзімыча - гэта ганьба. Бацькі, калі чытаеце НН, знайдзіце словы, каб патлумачыць дзецям сітуацыю з гэтым "папулярным блогерам".