Блогера-мільённіка Дзім Дзімыча, якога абвінавацілі ў прапагандзе ЛГБТ, прымусілі апраўдвацца на стрыме ў Азаронка
Беларускі блогер Дзім Дзімыч вельмі папулярны ў моладзі — у яго 4,5 мільёна падпісчыкаў у ютубе. Нядаўна ён зняўся ў рэкламе школьных тавараў для «Еўраопта». Але за любоў да ружовага адзення трапіў у няласку да прапаганды: Бондарава і Азаронак абвінавацілі яго ў прапагандзе ЛГБТ. Рэкламу з Дзім Дзімычам у выніку знялі з сайта «Еўраопта», а яго самога адправілі ў эфір да Азаронка. Прапагандысту на тым стрыме ад каментатараў таксама дасталася.
Блогер выглядаў моцна засмучаным увесь час, было адчуванне, што ён напужаны.
Прапагандыст Рыгор Азаронак пытаўся ў яго пра Лукашэнку, традыцыйныя каштоўнасці, армію, выказваў прэтэнзіі да творчасці. Сярод іншага спытаў, ці абмяркоўвае Дзім Дзімыч (Дзмітрый Сіўчык) у сваіх роліках пытанні працаўладкавання.
«Раю шукаць сябе, знаходзіць любімую справу», — адказаў той.
Сам блогер вучыўся на інжынера-будаўніка ў БНТУ, але не скончыў. Адчуў, што ягонае прызванне — быць артыстам.
Дзім Дзімыч сказаў, што галасаваў на выбарах за Лукашэнку. Свой трэк «Антошка» (перапеўка песні пра Антошку, які ідзе капаць бульбу) назваў песняй пра нацыянальны прадукт. І пагадзіўся рэкламаваць цукеркі з прэсаванага сухога малака ад Лукашэнкі.
Блогер патлумачыў таксама, што гатовы быў пайсці ў армію, але на медкамісіі яго прызналі непрыгодным.
Азаронак прымусіў хлопца апраўдвацца за ролікі ў сукенках. Той патлумачыў, што гэта проста трэнд у тыктоку, ён рабіў гэта, каб павесяліць аўдыторыю, і не займаўся прапагандай ЛГБТ.
Нехта з каментатараў прысароміў Азаронка: чаго ён «цацкаецца» з блогерам, «не таму Лукашэнка падараваў кувалду». На гэта Азаронак адрэагаваў вельмі рэзка: маўляў, варта прызнаць, што дзяржаўныя медыя ніколі не набяруць такой вялікай аўдыторыі, таму трэба весці дыялог з папулярнымі блогерамі.
«Ігнараванне такой аўдыторыі прывядзе толькі да падзення краіны і неадэкватнага ўспрымання рэчаіснасці», — падсумаваў Азаронак.
Цяпер чытаюць
Лосік расказаў, як Бабарыку катавалі ў наваполацкай калоніі15
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары