Прапагандысты выпадкова паведамілі, колькі плацяць за стварэнне крынджовых стыкераў да Дня народнага адзінства
На стварэнні такога крэатыўнага кантэнту шмат не заробіш.
Раніцай 25 лістапада ў тэлеграм-акаўнце дзяржаўнага інфармагенцтва «Мінск-Навіны» з'явіўся допіс з дакументам, з якога стала вядома, хто стварыў стыкеры ў тэлеграм і вайберы да так званага Дня народнага адзінства.
Гэта дакладная запіска, напісаная намеснікам галоўнага рэдактара, які кіруе аддзелам выпуску і СММ, ён падпісаны як А. Р. Анісімаў. Напісаная яна на імя першага намесніка «Мінск-Навінаў» Андрэя Баса.
Там паведамляецца, што стыкеры для тэлеграма і вайбера стварыла рэдактарка дзіцячага часопіса «Арэлі» Дар'я Жаўтаровіч. За гэтыя 13 стыкераў ёй прапануюць выпісаць прэмію памерам 150 рублёў.
Таксама 100 рублёў прапануюць выплаціць рэдактару тэхнічнага аддзела выпуску і СММ інфармацыйнага агенцтва «Мінск-Навіны» Вользе Лукашэвіч. Яна «займалася пошукам і падборам візуалаў» для стыкерпака.
«Стыкерпак размешчаны ў месенджарах для прыцягнення ўвагі аўдыторыі да канала. Створаны па заданні гендырэктара», — падсумоўваецца ў дакуменце.
Кіруе «Мінск-Навінамі», як і праўладным Беларускім саюзам журналістам, ураджэнец расійскага Валгаграда Андрэй Крывашэеў.
«Наша Нiва» — бастыён беларушчыны
ПАДТРЫМАЦЬЦяпер чытаюць
Круіз на цеплаходзе «Белая Русь» па рэках Палесся каштуе як адпачынак у Турцыі. Але каюты на вясну-лета амаль выкупленыя11
Каментары
Адзінае ў чым аб'ядналіся беларусы так гэта ў ненавісці да клятага Лукашэнка і ягонага клятага вывадка.