Свет1919

Хто такая Аліса Вайдэль — кандыдатка на пасаду канцлера Германіі ад ультраправай «Альтэрнатывы»

Выступае супраць аднаполых шлюбаў і мігрантаў, але сама жыве з жанчынай шры-ланкійскага паходжання.

Аліс Вайдэль — кандыдатка на пасаду канцлера Германіі ад ультраправай партыі «Альтэрнатыва для Германіі» (АдГ). Фота: Thomas Lohnes / Getty Images

Партыя «Альтэрнатыва для Германіі» (АдГ) упершыню ў сваёй 11-гадовай гісторыі вылучыла кандыдата на пасаду федэральнага канцлера. Ім стала 45-гадовая сустаршыня партыі Аліса Вайдэль, паведамляе Euronews.

Прымаючы намінацыю, Вайдэль адзначыла: «Наша краіна ўжо не тая, што была раней. Мы хочам зноў вывесці Германію наперад і вярнуць ёй першае месца ў свеце. Мы — другая па сіле партыя ў краіне і атрымліваем права на ўрад».

Паводле апошніх апытанняў, АдГ падтрымліваюць каля 18% выбаршчыкаў, што істотна менш, чым у кансерватыўнага блока ХДС/ХСС, які лідзіруе з 32%. Сацыял-дэмакратычная партыя Германіі (СДПГ), якая прадстаўляе цяперашняга канцлера Олафа Шольца, займае трэцяе месца.

Аліса Вайдэль у сваіх прамовах адзначала, што натхняецца былой брытанскай прэм'еркай Маргарэт Тэтчэр і што Германія павінна спыніць усе пастаўкі зброі Украіне, каб спыніць вайну.

«Мы — партыя міру. Калі вы не жадаеце вайны ў Германіі, галасуйце за АдГ», — заклікала Вайдэль.

Напярэдадні выбараў у Бундэстаг, якія маюць адбыцца ў лютым 2025 года, Вайдэль прадставіла некалькі асноўных пунктаў сваёй праграмы:

  • Прасоўванне выхаду Германіі з Еўрапейскага саюза.
  • Жорсткая антыміграцыйная і антыісламская палітыка.
  • Падтрымка кансерватыўных і хрысціянскіх каштоўнасцяў, недапушчальнасць аднаполых шлюбаў.
Сустаршыня АдГ Аліса Вайсэль выступае ў Бундэстагу ў верасні 2024 года. Фота: Ebrahim Noroozi / AP

Нягледзячы на тое, што Вайдэль выступае супраць аднаполых шлюбаў, яна сама жыве ў Швейцарыі ў аднаполым партнёрстве з Сарай Босард, кінематаграфісткай са Шры-Ланкі. У іх ёсць двое сыноў, перадае партал The Insider са спасылкай на нямецкія медыя.

Акрамя таго, у палітычнай праграме Вайдэль фігуруюць пункты аб зніжэнні падаткаў і цэн на электраэнергію, аднаўленні вытворчасці энергіі на АЭС і вугальных электрастанцыях, а таксама аб закупках трубаправоднага газу з Расіі.

Сустаршыня АдГ таксама выказвалася за ўзмацненне палітыкі ў дачыненні да нелегальных мігрантаў, умацаванне межаў краіны і неадкладную высылку нелегалаў, замежных злачынцаў, гвалтаўнікоў і забойцаў. Вайдэль у тым ліку прапанавала прыпыніць выдаткаванне сродкаў на сацыяльную дапамогу замежнікам.

Каментары19

  • Алесь
    10.12.2024
    Aresa, у Малдове, якраз, расейская неспадзяванка не атрымалася. Але, барацьба была цяжкай.
  • на х расею такіх скрэпна-крывадушных
    10.12.2024
    Вайдэль выступае супраць аднаполых шлюбаў, хоць яна сама жыве ў Швейцарыі ў аднаполым партнёрстве з Сарай Босард, кінематаграфісткай са Шры-Ланкі.
  • Команч
    10.12.2024
    [Рэд. выдалена]

Цяпер чытаюць

Пуцін патлумачыў, чаму вайна з Украінай не пачалася ў 2014 годзе3

Пуцін патлумачыў, чаму вайна з Украінай не пачалася ў 2014 годзе

Усе навіны →
Усе навіны

Серб Вучыч і славак Фіца раптоўна прыхварэлі. Іх удзел у парадзе ў Маскве пад пытаннем10

Зяленскі: Украіна не можа гарантаваць бяспеку сусветных лідараў, якія прыедуць у Маскву на парад 9 мая19

Над Чорным морам драматычна збілі расійскі самалёт Су-308

Беларус трапіў у рабства ў Дагестане. Калі ўцёк, трапіў на вайну — а цяпер ва ўкраінскі палон7

Беларус прывёз у Бразілію сала, каўбасу і жукоў у сотах мёду4

Новым спікерам Каардынацыйнай рады, хутчэй за ўсё, стане Арцём Брухан17

У парку Чалюскінцаў адпраўляюць на звалку аналаг легендарнага атракцыёна «Супер-8»1

Былы чыноўнік з Бабруйска пайшоў на вайну за Расію. Паміж кантрактам і смерцю прайшло 20 дзён16

Трамп апублікаваў згенераванае ФОТА сябе ў ролі Папы14

больш чытаных навін
больш лайканых навін

Пуцін патлумачыў, чаму вайна з Украінай не пачалася ў 2014 годзе3

Пуцін патлумачыў, чаму вайна з Украінай не пачалася ў 2014 годзе

Галоўнае
Усе навіны →

Заўвага:

 

 

 

 

Закрыць Паведаміць