Грамадства66

Колькі зарабляюць у прадзюсарскім цэнтры Ганны Лукашэнкі

У распараджэнні расследавальнікаў «Бюро» з’явіліся даныя пра заработныя платы ключавых супрацоўнікаў «Музычнай медыякампаніі» — прадзюсарскага цэнтра, у якім пасаду генеральнага прадзюсара займае нявестка Аляксандра Лукашэнкі, больш вядомая як аўтарка песень пад псеўданімам Ганна Сялук.

Андрэй Гузель (трэці злева) і Таццяна Кулакова (другая справа). Крыніца: muzmedia.by / Instagram

Як піша «Бюро», сама Ганна Лукашэнка (Сялук) супрацоўнікам у «Музычнай медыякампаніі» не значыцца і ніякага прыбытку ад яе нібыта і не атрымлівае.

Аднак фірма спраўна пералічае ганарары топ-менеджарам прадакшна — дырэктару Андрэю Гузелю і намесніку дырэктара Таццяне Кулаковай, роднай сястры Ганны Лукашэнкі.

Андрэй Гузель працаваў канцэртным дырэктарам у беларускіх выканаўцаў — Сашы Нэма і Ларысы Грыбалёвай, супрацоўнічаў з Аляксандрам Рыбаком і нават валодаў уласным прадзюсарскім цэнтрам «Гранд м’юзік». 

Цяпер Гузель шукае будучых зорак беларускай эстрады на дзяржпрадпрыемствах.

За гэтую працу ў 2022 годзе Андрэй Гузель атрымаў ад «Музычнай медыякампаніі» прыкладна 31,5 тысячы беларускіх рублёў. 

У 2023 годзе ў прадзюсарскім цэнтры фронт працаў павялічыўся, і заробак Гузеля пачаў расці. Усяго тады прадзюсар атрымаў ад «Музычнай медыякампаніі» крыху больш за 94 тысячы беларускіх рублёў.

@nashaniva Колькі зарабляюць падпявалы? #лукашенко #аннаселук #нашаніва #беларусь #новостибеларуси #беларусьновости #минсксейчас ♬ Crime Scene - Avery Alexander

З месяца ў месяц яго аклады вар’яваліся ад 6162 да 9878 рублёў, у той час як сярэдняя заработная плата ў 2023 годзе па краіне была 1902 рублі.

Таленты ўласнай сястры генеральны прадзюсар Ганна Лукашэнка ацэньвае крыху больш сціпла.

У 2022 годзе Таццяна Кулакова адпрацавала ў «Музычнай медыякампаніі» няпоўных 3 месяцы, за што атрымала трохі больш за 16 тысяч беларускіх рублёў. У 2023 годзе Кулакова зарабіла каля 79,5 тысячы беларускіх рублёў.

З месяца ў месяц яе аклады змяняліся ад 4360 да 9878 рублёў — то бок у сярэднім за месяц яна зарабляла больш, чым сярэднестатыстычны беларус, у 3,5 разу.

Як піша «Бюро», «Музычная медыякампанія» належыць Палацу рэспублікі Упраўлення спраў Лукашэнкі (30%) і прыватнай кампаніі «АНСЛ прадакшн» (70%).

Гэта «АНСЛ прадакшн» запісаная на Андрэя Урублеўскага (95%) — аднаго з падначаленых Дзмітрыя Лукашэнкі. Але, імаверна, Урублеўскі выконвае ў «АНСЛ прадакшн» функцыю намінальнага ўладальніка, каб утаіць удзел у кампаніі жонкі свайго патрона.

АНСЛ вельмі нагадвае ініцыялы жонкі сярэдняга сына Лукашэнкі Дзмітрыя — АНна (па-руску) Сяргееўна Лукашэнка.

Каментары6

  • Бывалы
    09.12.2024
    Вот вам и пример ни-ни семейки, которая полностью живет за счет беларусов. А сколько там денег отмывается через всякие прослойки, которые наделены уникальными правами продажи товаров беларуский предприятий. В итоге вся прибыль оседает в этих прослойках, а до госпредприятий доходят копейки. Или посмотрите на бизнес империю «управления делами». Туда входят десятки предприятий разного уровня и профиля с миллионным оборотом, где простым рабочим платят максимум по пятьсот, зато семейка себе оставляет остальные 95%
  • даведка
    09.12.2024
    Андрей Гузель со своей тогдашней женой и продюсером канала СТВ Анастасией Гузель-Ганиевой устроили скандал с участием стриптизёрш на «Мисс Минск-2013».
  • даведка
    09.12.2024
    Анна Селук обязательно должна заняться раскруткой у себя на «Радио Шансон» творчески плодовитого любимца всех женщин Моцнага Александра Григорьевича.

Цяпер чытаюць

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе13

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Усе навіны →
Усе навіны

Трамп: Пуцін сказаў мне, што не пайшоў бы вайной на Украіну, калі б я тады быў прэзідэнтам18

Проста зняць лазню ў аграсядзібе больш не выйдзе. Для ўладальнікаў і гасцей запрацавалі новыя правілы6

Пасля выкрыцця спробы палітычнага забойства Данія абмяжоўвае выдачу віз расіянам і выкідае з краіны расійскага аташэ

«Табе яшчэ прыйдзецца выбачыцца». Ціханоўскі адказаў Севярынцу125

Міністр абароны Германіі заклікаў еўрапейцаў ехаць да Пуціна ў Маскву9

УСУ вызвалілі 14 вёсак на Харкаўшчыне. Аперацыя «Мядзведжы капкан» праходзіла ў рэжыме поўнай сакрэтнасці7

Памёр мастак Юрый Несцярук1

У Івана-Франкоўскай вобласці расійская ракета прабіла дах дома, але не выбухнула ФОТА

Пад антарктычнымі льдамі знайшлі сляды гор, якія дапамаглі эвалюцыі

больш чытаных навін
больш лайканых навін

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе13

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Галоўнае
Усе навіны →

Заўвага:

 

 

 

 

Закрыць Паведаміць