Палкоўнік з Вайсковай акадэміі Беларусі: Тое, што адбываецца ў Сірыі, гэта параза Расіі
Андрэй Багадзель у эфіры дзяржТБ прызнаў, што Расія прайграла ў Сірыі. Але ён лічыць, што Масква змагла пазбегнуць разгрому.
У эфіры беларускага афіцыйнага тэлебачання прызналі, што Расія пацярпела паразу ў Сірыі. Такім меркаваннем на АНТ падзяліўся намеснік начальніка факультэта Генштаба Вайсковай акадэміі Беларусі Андрэй Багадзель. Пры гэтым палкоўнік паспрабаваў знайсці ў гэтым пазітыў.
«Тое, што адбываецца сёння ў Сірыі, — безумоўна, гэта параза Расійскай Федэрацыі. Але гэта ўсяго толькі параза Расійскай Федэрацыі. Бо Расія змагла пазбегнуць стратэгічнага разгрому.
Захад рыхтаваў адназначна ёй вайну на два фронты. З аднаго боку СВА (так Багадзель называе вайну ва Украіне — заўв.), з другога — паспрабуйце, паваюйце яшчэ і на Блізкім Усходзе, за што вы стаялі 9 гадоў. Гэта значыць усяляк Расію спрабавалі менавіта ўцягнуць на два фронты», — мяркуе Багадзель.
Паводле яго слоў, падтрымка рэжыму ў Сірыі была абцяжараная лагістычна, і Расія прыняла правільнае рашэнне, што не стала чапляцца за рэгіён.
«Што тычыцца і лагістыкі, і перакідання войскаў, узбраенняў праз чарнаморскія пралівы — усё гэта абцяжарана. Перакідка станавілася значна праблематычнай для іх. Расія выбрала адзіна правільны варыянт. Менавіта гэта той варыянт, які сёння ёсць», — адзначыў Багадзель.
Ён мяркуе, што расійская разведка ўсё ведала, таму Масква вырашыла «пакінуць малое, каб не страціць большае».
Рэжым Башара Асада ў Сірыі паў 8 снежня, калі ў Дамаск увайшлі атрады ўзброенай апазіцыі, а сам Асад паляцеў у Маскву, дзе яму далі палітычны прытулак.
-
Паведамленні, што ў кабіне пілотаў на борце з Дубая ў Тэль-Авіў пабіліся расіянін і ўкраінец, аказаліся фэйкам
-
Адзін з пілотаў спрабаваў накіраваць самалёт у зямлю, другі перашкодзіў гэтаму. Драматычныя падзеі на борце з Дубая ў Тэль-Авіў
-
Расійскія спецслужбы рыхтавалі забойствы Каспарава, Панамарова і іншых апазіцыянераў — El Mundo
Каментары