Трамп выступае за размяшчэнне еўрапейскіх войскаў ва Украіне для кантролю над будучым перамір'ем
План Дональда Трампа па завяршэнні вайны ва Украіне набывае першыя абрысы, паведамляе выданне The Wall Street Journal, якое даведалася новыя падрабязнасці сустрэчы абранага прэзідэнта ЗША з Уладзімірам Зяленскім і Эмануэлем Макронам у Парыжы.
Асноўная ідэя Трампа ў тым, што Еўропе давядзецца ўзяць на сябе асноўную адказнасць за падтрымку Кіева. Са слоў чыноўнікаў, інфармаваных пра трохбаковыя перамовы ў Парыжы 7 снежня, Трамп заявіў, што не падтрымлівае ўступленне Украіны ў НАТА, але хацеў бы бачыць яе «моцнай» і «добра ўзброенай» пры любых умовах спынення баявых дзеянняў.
У абароне Украіны ключавую ролю варта адыграць Еўропе, якая, мяркуе Трамп, павінна размясціць свае войскі, каб кантраляваць выкананне будучага перамір'я. Амерыканскія вайскоўцы ў гэта ўцягнутыя не будуць, дадалі крыніцы.
Трамп таксама заклікаў Еўропу прыкласці больш намаганняў, каб «прымусіць кітайцаў націснуць на Крэмль» і пакласці канец канфлікту, расказаў адзін з суразмоўцаў. Калі Пекін не пагодзіцца, у якасці «разменнай манеты» абмяркоўваліся тарыфы супраць КНР.
У камандзе Трампа сцвярджаюць, што пакуль ён не прывязаны да нейкага канкрэтнага плану дзеянняў у дачыненні да Украіны.
Ягоныя найбліжэйшыя дарадцы ўсё яшчэ распрацоўваюць прапановы і праводзяць для яго інфармацыйныя брыфінгі. Ключавыя пастановы будуць сфармаваныя ў тым ліку пасля дадатковых перамоваў з саюзнікамі, а магчыма, і з самім Уладзімірам Пуціным, піша WSJ.
Газета таксама адзначае, што Трамп неаднаразова крытыкаваў вайсковую дапамогу ЗША Украіне і сёння ў інтэрв'ю часопісу Time, які назваў яго Чалавекам года, выступіў супраць запуску дальнабойных ракет углыб Расіі. Аднак частка дарадцаў Трампа ў прыватным парадку вітала дазвол адміністрацыі Джо Байдэна на гэта: яны мяркуюць, што яно дасць ім рычаг ціску на Расію, каб падштурхнуць яе да перамоваў, тлумачыць WSJ.
Дыскусіі па пытанні размяшчэння еўрапейскіх войскаў ва Украіне знаходзяцца на ранняй стадыі. Асцярогі, што Масква, калі пагодзіцца на перамір'е, можа скарыстацца ім, каб аднавіць сілы і распачаць яшчэ адно ўварванне на неакупаваныя ўкраінскія тэрыторыі, усё яшчэ шырока распаўсюджаныя.
Туск: Польшча не плануе адпраўляць сваіх вайскоўцаў ва Украіну
Трамп: Адзіны спосаб спыніць вайну — не пакідаць Украіну
Трамп запрасіў Сі Цзіньпіна на сваю інаўгурацыю
Зяленскі казаў пра бяспеку, а Трамп — пра неадкладнае спыненне агню. Дэталі сустрэчы ў Парыжы
Макрон збіраецца ў Польшчу для абмеркавання планаў міратворчай місіі ва Украіне
Зяленскі: Мы з Трампам гаварылі пра замарозку вайны
Павел Вінаградаў упершыню расказвае, як яго закінулі на самае дно беларускай турмы. Як гэта — калі суседзі за цыгарэту ядуць чужое гаўно16
Каментары