Былая старшыня ліквідаванага Таварыства беларускай мовы, экс-дэпутатка Палаты прадстаўнікоў больш за год не магла знайсці працу.
У 2023 годзе Алену Анісім затрымалі на працоўным месцы, а пасля прысудзілі 12 сутак арышту за «дробнае хуліганства». З-за рэзананснага затрымання яе звольнілі з Інстытута мовазнаўства Акадэміі навук. Анісім расказала «Кулуарам», што цяпер працуе настаўніцай.
«Я спрабавала ўладкавацца ў розных месцах, але нічога не атрымлівалася. Пасля таго, як прайшоў год пасля затрымання, пайшла ў РАНА. Думаю, ну што мне ўжо губляць? І там напрамую запыталася, ці ёсць у іх актуальныя вакансіі настаўнікаў беларускай мовы. Высветлілася, што ёсць.
Я адкрыта распавяла пра сваю сітуацыю. Мне далі спіс школ з вакансіямі і сказалі, што рашэнне будзе за дырэктарам.
Я пайшла да дырэктара адной са школ. Яна кажа: так, мне патрэбныя людзі. Гэта была сярэдзіна жніўня. Мне трэба было ўзяць даведку з міліцыі пра тое, што яны да мне не маюць прэтэнзій. Карацей, 30 жніўня я аформілася, а 2 верасня ўжо выйшла на працу».
Без працы былая дэпутатка сядзела год і тры месяцы. Спрабавала ўладкавацца ў клінінгавую кампанію адміністратаркай, у рыэлтарскае агенцтва. Але не склалася.
Анісім кажа, што яе «адміністратыўка» за год была пагашаная.
«Зараз для працаўладкавання, асабліва калі ідзеш у дзяржаўныя структуры, трэба браць даведку, дзе пералічаны звесткі аб усіх правапарушэннях. Калі арганізацыя напрамую запытвае гэтыя даныя, то яны рыхтуюцца, здаецца, напрацягу месяца. А калі сам звяртаешся, то такую даведку выдаюць напрацягу 10 дзён. Каштуе гэтая папера палову базавай».
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары