Дабратвор збіраецца ладзіць у Варшаве пікеты ў падтрымку Канапацкай
Ён хоча аб'яднацца ў гэтым з «нармальнымі польскімі партыямі» — напрыклад, ультраправай «Канфедэрацыяй», піша «Белсат».
Колішні актывіст Партыі БНФ і супрацоўнік прарасійскага рэсурсу «Політрінг», бацька пяці дзяцей, а цяпер польскі таксіст Ілля Дабратвор расказаў, якую палітычную актыўнасць будзе ладзіць у Варшаве. Ён цяпер давераная асоба Ганны Канапацкай, таму хоча апраўдаць свой статус.
Дабратвор ведае, што беларусы замежжа не могуць галасаваць, але вінаваціць у гэтым польскі бок. Маўляў, «гэта была іх ініцыятыва».
Натуральна, Дабратвор хлусіць — рашэнне не адкрываць участкі за мяжой прыняў беларускі Цэнтрвыбаркам, прычым не толькі ў Польшчы, а ўвогуле нідзе ў свеце.
Тым не менш таксіст плануе зладзіць пікеты ў Варшаве і прапанаваць польскім уладам зняць санкцыі з Беларусі:
«Можа, з «нармальнымі» польскімі партыямі (напрыклад, з «Канфедэрацыяй») зробім пікет у цэнтры Варшаве, каб звярнуць увагу на гэтую праблему. Польскія ўлады першымі павінны «закінуць той мяч» і зняць санкцыі, якія б’юць не па ўладзе, а па простых беларусах», — каментуе Дабратвор.
«Адбываецца генацыд беларусаў». Польскі таксіст Дабратвор перавысіў хуткасць на 50 км/г і застаўся без правоў
«Ніколі не выганяйце чалавека на вуліцу»: Ілля Дабратвор скончыў эксперымент з жыццём у машыне
Ілля Дабратвор, які з пяццю дзецьмі з'ехаў з Беларусі: У Варшаве працую таксістам і ў масоўках кіно
Каспяровіча перад гібеллю дапытвалі ў польскай контрразведцы — распытвалі пра візы для агентаў ААЦ з пашпартамі прыкрыцця і пра Бульбу27
Каментары