Трамп пераймяноўвае Мексіканскі заліў, цвёрда намераны вярнуць Панамскі канал і «разумее пачуцці Расіі»
Абраны прэзідэнт ЗША Дональд Трамп праводзіць другую пасля свайго паўторнага абрання прэс-канферэнцыю ў асабняку Мар-а-Лага. Падчас яе ён зрабіў шмат заяў, якія несумненна прымусяць устрывожыцца ў розных канцах свету.
Сярод іншага Дональд Трамп заявіў, што мае намер вырашыць украінскі канфлікт за паўгода: «Спадзяюся, што за шэсць месяцаў атрымаецца».
Што да саміх прычын расійска-ўкраінскай вайны, то ягонае бачанне было дастаткова блізкае да афіцыйнага расійскага.
Паводле слоў Трампа, вайна ва Украіне пачалася, бо Байдэн сказаў, што гэтая краіна можа ўступіць у НАТА:
«Расія шмат гадоў казала, што НАТА ніколі не зможа ўмешвацца ў справы Украіны. Гэта было як высечана на камені. А Байдэн сказаў: не, яны павінны мець магчымасць уступіць у НАТА. Тады НАТА проста на парозе ў Расіі. Я магу зразумець іх пачуцці з гэтай нагоды […]
Калі я пачуў, як Байдэн вядзе перамовы, я сказаў, што гэта скончыцца вайной, і так і аказалася. Ніхто не ведае пра НАТА больш, чым я. Калі б не я, НАТА цяпер бы не існавала. Я выратаваў НАТА, але НАТА выкарыстоўвае нас», — заявіў палітык.
Пра адносіны Украіны з Расіяй ён сказаў так:
«Насамрэч я лічу, што ў іх была здзелка. А пасля Байдэн парушыў яе. У іх была здзелка, якая была б здавальняючай для Украіны і ўсіх астатніх. Але Байдэн сказаў: не, вы павінны быць у стане ўступіць у НАТА».
Сярод іншага ён раскрытыкаваў рашэнні Джо Байдэна, прынятыя перад пакіданнем пасады, паколькі яны ствараюць «складаную сітуацыю» для новай адміністрацыі і робяць «усё магчымае, каб яе яшчэ больш ускладніць».
Што да Пуціна, то ён нібыта ў курсе гатоўнасці расійскага кіраўніка да кантактаў з ім, але лічыць гэта непрымальным да таго моманту, пакуль не вернецца ў Белы дом.
Трамп таксама адмовіўся даваць гарантыі, што не будзе выкарыстоўваць эканамічныя меры прымусу для далучэння Грэнландыі да ЗША. Таму што, маўляў, гэты востраў важны для Штатаў дзеля абароны ад Расіі і Кітая.
«Людзі нават не ведаюць, ці мае Данія законнае права [на востраў]. Але калі так, то яны павінны адмовіцца ад яго, таму што ён патрэбен нам для нацыянальнай бяспекі, для абароны вольнага свету», — сказаў абраны прэзідэнт ЗША.
Акрамя таго, Трамп заявіў пра планы вярнуць пад кантроль ЗША Панамскі канал, перайменаваць Мексіканскі заліў у заліў Амерыкі і ўвесці «вельмі вялікія» пошліны на імпарт з Канады і Мексікі.
На пытанне, ці гатовы Трамп прымяніць ваенныя метады, каб «зрабіць Канаду 51-м штатам ЗША», ён адказаў, што ваенныя не, але эканамічныя — так.
Адносна сітуацыі на Блізкім Усходзе, то Трамп паабяцаў, што там «выбухне пекла», калі ХАМАС не адпусціць закладнікаў да ягонага вяртання ў Белы дом, прызначанага на 20 студзеня: «Кепска будзе ўсім».
Спецпрадстаўнік Трампа адклаў паездку ў Кіеў да ягонай інаўгурацыі
Кароль Даніі ўпершыню за 50 гадоў памяняў герб краіны на фоне выказванняў Трампа
Зяленскі распавёў, як дамагаўся абароны ад падпісантаў Будапешцкага мемарандуму. «Ім было пох*ру на Украіну»
ЗША «незаўважна» паставілі ва Украіну шмат зброі яшчэ да пачатку канфлікту з Расіяй — Блінкен
Трамп незадаволены, што падчас ягонай інаўгурацыі дзяржаўныя сцягі будуць прыспушчаныя
Прэм'ер Грэнландыі заявіў пра імкненне краіны да незалежнасці
Цяпер чытаюць
Эйсмант: Лукашэнка не зможа паляцець на Саміт міру ў ЗША, бо паветраная прастора Еўропы для яго закрытая33
Каментары
Лепш мець справу з непрыемным Трампам, які кажа тое, што плануе, чым верыць салодкай хлусні Байдэна, які ў сваім выступе казаў, што ніколі не кіне Ўкраіну ў барацьбе з адвечным злом.