Прэзідэнт ЗША патроліў поп-мегазорку пасля таго, як спявачку абсвісталі на Супербоўле (фінале Нацыянальнай футбольнай лігі), што прайшоў сёння ноччу ў Новым Арлеане, піша New York Post.
Дональд Трамп у нядзелю ўвечары патроліў Тэйлар Свіфт у сацыяльных сетках, захапляючыся абструкцыяй, што спявачка і каханы Трэвіс Келсі з «Канзас-Сіці Чыфс» атрымалі ад прыхільнікаў «Філадэльфіі Іглз» на Супербоўле.
«Адзінай, хто меў больш цяжкую ноч, чым «Канзас-Сіці Чыфс», была Тэйлар Свіфт. Яе асвісталі на стадыёне»— напісаў Трамп у сацыяльнай сетцы Truth.
Улетку Тэйлар заклікала галасаваць супраць Трампа.
І Трамп, і Свіфт былі на трыбунах Caesars Superdome ў Новым Арлеане, каб пазаўзець за «Чыфс» перад іх паразай ад «Іглз» з лікам 22:40.
Калі 35-гадовая спявачка з'явілася на стадыёне ў пачатку гульні, фанаты хутка абсвісталі яе, прымусіўшы Свіфт крыху здрыгануцца, перш чым ўсміхнуцца.
А вось Трампа сустрэлі бурнымі апладысментамі і ўхвальнымі воклічамі, калі яго ненадоўга паказалі на вялікім экране падчас выканання нацыянальнага гімна Джонам Батыстам.
Супербоўл, што звычайна праводзіцца ў першую ці другую нядзелю лютага, з'яўляецца галоўнай спартыўнай падзеяй года ў ЗША, аўдыторыя трансляцыі складае ў ЗША больш за 100 млн гледачоў. 30-секундны рэкламны ролік каштуе 8 млн даляраў.
Хэдлайнерам традыцыйнага шоу ў перапынку матча стаў амерыканскі рэпер і хіп-хоп-выканаўца Кендрык Ламар. Спецыяльнай госцяй яго выступлення была абвешчана спявачка SZA.
Таксама чакалася, што згаданы вышэй Трэвар Келсі нарэшце зробіць прапанову Тэйлар Свіфт (яны сустракаюцца некалькі гадоў), але нешта не зраслося.
Цяпер чытаюць
З Лондана Мельнікава вылецела на Шры-Ланку, у яе быў каханак спартовага выгляду з Беларусі3
Каментары