Prezident ZŠA patroliŭ pop-miehazorku paśla taho, jak śpiavačku abśvistali na Supierboŭle (finale Nacyjanalnaj futbolnaj lihi), što prajšoŭ siońnia nočču ŭ Novym Arleanie, piša New York Post.
Donald Tramp u niadzielu ŭviečary patroliŭ Tejłar Śvift u sacyjalnych sietkach, zachaplajučysia abstrukcyjaj, što śpiavačka i kachany Trevis Kiełsi z «Kanzas-Sici Čyfs» atrymali ad prychilnikaŭ «Fiładelfii Ihłz» na Supierboŭle.
«Adzinaj, chto mieŭ bolš ciažkuju noč, čym «Kanzas-Sici Čyfs», była Tejłar Śvift. Jaje aśvistali na stadyjonie»— napisaŭ Tramp u sacyjalnaj sietcy Truth.
Uletku Tejłar zaklikała hałasavać suprać Trampa.
I Tramp, i Śvift byli na trybunach Caesars Superdome ŭ Novym Arleanie, kab pazaŭzieć za «Čyfs» pierad ich parazaj ad «Ihłz» ź likam 22:40.
Kali 35-hadovaja śpiavačka źjaviłasia na stadyjonie ŭ pačatku hulni, fanaty chutka abśvistali jaje, prymusiŭšy Śvift krychu zdryhanucca, pierš čym ŭśmichnucca.
A voś Trampa sustreli burnymi apładysmientami i ŭchvalnymi vokličami, kali jaho nienadoŭha pakazali na vialikim ekranie padčas vykanańnia nacyjanalnaha himna Džonam Batystam.
Supierboŭł, što zvyčajna pravodzicca ŭ pieršuju ci druhuju niadzielu lutaha, źjaŭlajecca hałoŭnaj spartyŭnaj padziejaj hoda ŭ ZŠA, aŭdytoryja tranślacyi składaje ŭ ZŠA bolš za 100 młn hledačoŭ. 30-siekundny rekłamny rolik kaštuje 8 młn dalaraŭ.
Chedłajnieram tradycyjnaha šou ŭ pierapynku matča staŭ amierykanski repier i chip-chop-vykanaŭca Kiendryk Łamar. Śpiecyjalnaj hościaj jaho vystupleńnia była abvieščana śpiavačka SZA.
Taksama čakałasia, što zhadany vyšej Trevar Kiełsi narešcie zrobić prapanovu Tejłar Śvift (jany sustrakajucca niekalki hadoŭ), ale niešta nie zrasłosia.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary