Прэс-сакратарка Лукашэнкі пракаментавала вызваленне Беларуссю амерыканца
«Мы аддаём перавагу ў гэтых пытаннях канфідэнцыйнасці».
Прэс-сакратарка Лукашэнкі Наталля Эйсмант пракаментавала вызваленне амерыканца і палітвязняў.
«Нядаўняе вызваленне Беларуссю грамадзяніна ЗША — не адзіная такая просьба новай адміністрацыі ў Вашынгтоне», — заявіла яна ТАСС.
Паводле яе слоў, такія просьбы [аб вызваленні] паступалі і паступаюць.
«Мы аддаём перавагу ў гэтых пытаннях канфідэнцыйнасці. Уся інфармацыя аб дэталях — у Дзярждэпе ЗША і ў Белым доме», — пракаментавала яна нядаўняе вызваленне Беларуссю траіх зняволеных, уключаючы грамадзяніна ЗША.
Нагадаем, што ўчора стала вядома пра вызваленне журналіста Радыё Свабоды Андрэя Кузнечыка, Алены Маўшук, а таксама грамадзяніна ЗША, які пажадаў не называць сваё імя. Вядома толькі, што гэта не адвакат Юрась Зянковіч. Да Зянковіча, як піша Reuters са спасылкай на сваю крыніцу, 5 студзеня ўпершыню пусцілі амерыканскіх дыпламатаў, якія базуюцца ў Літве.
Дзярждэп ЗША заклікаў вызваліць усіх палітвязняў у Беларусі.
Вызвалены ў Беларусі амерыканец — не адвакат Юрась Зянковіч
Амерыканцы забралі з беларускай турмы журналіста Андрэя Кузнечыка і яшчэ двух палітзняволеных
«Лукашэнка нічога не атрымаў за гэты абмен». Па палітвязняў у Мінск прыязджаў супрацоўнік Дзярждэпа Крыс Сміт
Дзярждэп ЗША заклікаў вызваліць усіх палітвязняў у Беларусі
Цяпер чытаюць
Жонку аднаго з галоўных турэмшчыкаў Беларусі пасадзілі ў калонію за ўдзел у пратэстах5
Каментары