Дарадца Трампа звязаў яго рэзкія заявы аб Украіне з затрымкай «пагаднення па карысных выкапнях»
Дарадца прэзідэнта ЗША па нацыянальнай бяспецы Майк Уолтц, каментуючы апошнія рэзкія заявы Дональда Трампа ў бок Украіны, згадаў пра «эскалацыю рыторыкі» і «супраціў» заключэнню пагаднення аб распрацоўцы ўкраінскіх карысных выкапняў. Пра гэта ён сказаў гэта ў эфіры Fox News.
Паводле Уолтца, «не ўсе» яшчэ прынялі завяршэнне эпохі «бясконцай вайны, якая нясе смерць і разбурэнні з усіх бакоў, каштуе сотні мільярдаў даляраў і забірае сотні тысяч, калі не мільёны жыццяў».
«Я думаю, што расчараванне насамрэч узнікла толькі цягам апошняга тыдня праз гэты дзіўны супраціў, эскалацыю рыторыкі вакол прадстаўлення таго, што мы лічым абсалютнай магчымасцю — а менавіта, каб Злучаныя Штаты інвеставалі ў украінскую інфраструктуру, каб яны распрацоўвалі свае карысныя выкапні, свае прыродныя рэсурсы».
Уолтц падкрэсліў, што ЗША — у адрозненне ад Еўропы — не хочуць прадастаўляць большасць дапамогі ў выглядзе «крэдытаў, якія пагашаюцца за кошт працэнтаў ад арыштаваных расійскіх актываў».
«Мы лічым, што амерыканскія падаткаплацельшчыкі заслугоўваюць вяртання большай часткі сваіх інвестыцый. Усё гэта — магчымасць для Украіны. Яны павінны ўбачыць гэта, а замест гэтага мы бачым такую эскалацыю рыторыкі і супраціў, і прэзідэнт (Трамп) не збіраецца гэтага цярпець», — дадаў Уолтц.
Пазней учора Трамп абвінаваціў Украіну ў зрыве здзелкі па рэдказямельных металах.
-
Вучыч прывёў у прыклад беларускую роўнасць рэгіёнаў і паставіў Барысаў у адзін шэраг з Мінскам
-
Украіна створыць Нацыянальны пантэон у Кіева-Пячэрскай лаўры. Чым ён будзе адрознівацца ад афіцыёзнага пантэона ў Беларусі?
-
У Тэгеране праходзіць развітанне з Алі Хаменеі: Мядзведзеў пагражае блакадай праліваў, а новы лідар Ірана хаваецца ў бункеры
Цяпер чытаюць
35‑гадовы дальнабойшчык з Беларусі раптоўна памёр у Кітаі. Гэта муж самай тытулаванай беларускай дзюдаісткі11
Каментары
Тыя грошы - інвестыцыя ў перамогу.
Няма перамогі - значыць інвеставаў няўдала.
Рэйган рускіх называю Жыхарамі Нігера, ён з іх здзекаваўся і смяяўся публічна.
А Донні тусуецца з імі і кажа якія яны харошыя. Вось чаму Донні, цябе ніхто не паважае і паважаць не будзе. Скажы хто твой сябра - і я скажу хто ты.