Грамадства55

Берасцеец вырасціў 3 000 цюльпанаў у вельмі незвычайным месцы

У Брэсце малады інжынер Улад вырасціў 3 000 цюльпанаў у сваім гаражы. Занятак, які пачаўся як эксперымент, магчыма, прынясе дадатковы даход. Пра гэта на сваім ютуб-канале расказаў брэсцкі блогер Васька Пілот (Васіль Пашалюк), які таксама вырошчвае цюльпаны і прапануе замест звыклых букетаў дарыць кветкі ў цыбулінах, піша BGmedia.

Берасцеец Улад у гаражы, дзе вырошчвае цюльпаны. Скрыншот з відэа ў YouTube

Нестандартны падыход да справы

Па словах Улада, у нейкі момант ім з жонкай прыйшла ідэя заняцца вырошчваннем вясновых кветак… у гаражы. Першапачаткова планавалі пасадзіць 10 000 кветак, але ў выніку спыніліся на 3 000.

Цюльпаны ў гаражы, якія вырошчвае берасцеец Улад. Скрыншот з відэа ў YouTube

«Я пабачыў некалькі ролікаў пра тое, як людзі вырошчваюць цюльпаны ў гаражы, і падумаў, што ў мяне таксама ёсць прыдатнае памяшканне для гэтага. Спачатку баяўся, што не атрымаецца, таму пасадзіў меншую колькасць», — расказвае Улад.

Для гэтага ён забяспечыў у гаражы неабходнае святло і іншыя ўмовы для росту раслін.

Догляд за кветкамі — штодзённы рытуал

Кожны дзень Улад даглядае свае цюльпаны: ён старанна сочыць за тэмпературай, вільготнасцю і колькасцю святла. Усё гэта ён робіць паміж паездкамі ў дзіцячы садок па дачку.

За ўвесь перыяд ён выкінуў усяго толькі чатыры цыбуліны — гэта сведчыць пра тое, як старанна ён сочыць за кожнай кветкай.

«Я не вяду дакладны ўлік, але стараюся, каб праект хоць бы не пайшоў у мінус. Спадзяюся, што выйду на стабільны ўзровень», — кажа Улад.

Цюльпаны, якія вырошчвае берасцеец Улад у гаражы. Скрыншот з відэа ў ютубе

Занятак патрабуе цярпення, але для Улада гэтае захапленне робіцца важнай часткай ягонага дня. Са слоў вынаходлівага берасцейца, у гаражы можна вырасціць да 25 000 цюльпанаў.

Магчыма, калі справа прынясе свой плён, малады чалавек будзе і далей займацца вырошчваннем кветак. Але ўжо ў буйных маштабах.

Праект Улада прыцягнуў увагу карыстальнікаў ютуба. Многія падтрымліваюць ягонае рашэнне займацца вырошчваннем цюльпанаў, адзначаючы працавітасць і жаданне развівацца:

«Класна! Малайчына! Галоўнае пачаць, а там глядзіш і пашырацца трэба будзе. Чакаем працягу».

Аднак некаторыя выказваюць сумнеў адносна перспектыў гэтага бізнэсу, звяртаючы ўвагу на магчымасць перанасычэння рынку.

«Занадта шмат прапаноў па горадзе будзе. І попыт падае. Хоць бы ў нуль выйшлі аграрыі»;

«Нявыгаднай тэма становіцца тады, калі ў кожным доме ёй займаюцца», — слушна заўважаюць некаторыя каментатары.

Адзін з карыстальнікаў пахваліў энтузіязм берасцейца, але напісаў, што «не трэба паказваць такое — «добразычліўцаў» можа быць шмат».

Цюльпаны, якія вырошчвае берасцеец улад у гаражы. Скрыншот з відэа ў ютубе

Каментары5

  • Диванный бизнесмен.
    25.02.2025
    Хлопец, маладзец. Але , грошы любяць цішыню.
  • сёньня аўторак
    25.02.2025
    Яны ж перацвітуць да 8 сакавіка
  • 8-я Марта
    25.02.2025
    Радасць для домашних клух и офисного плангтона.

Цяпер чытаюць

Від на Каложскую царкву безнадзейна сапсаваны38

Від на Каложскую царкву безнадзейна сапсаваны

Усе навіны →
Усе навіны

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям61

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

Забраў ката ў мяшку. Чаму беларус не змог вярнуць тавар у пункт выдачы заказаў?

«Зарабіў 1200, потым прыйшоў штраф на 1000». Беларусы дзеляцца ўмовамі працы на складзе Wildberries у «Вялікім Камені»12

больш чытаных навін
больш лайканых навін

Від на Каложскую царкву безнадзейна сапсаваны38

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць