Бізнэсмена з Гродзеншчыны будуць судзіць за палітыку. Апошняе, што ён апублікаваў — відэа з адпачынку ў Грузіі
У Віталя Пятрэнкі бізнэс у сферы будаўніцтва. Яго вінавацяць у «паклёпе на Лукашэнку» і «распальванні варожасці».
Віталю Пятрэнку 46 гадоў. Па звестках з сацсетак, ён родам з Гродзеншчыны, з вёскі Міратычы Карэліцкага раёна. У мужчыны ёсць жонка і дзіця.
Пасля школы ён пайшоў у Гомельскі машынабудаўнічы тэхнікум. З 1997 па 1999 гады служыў у войску, а пасля паступіў на гуманітарна-эканамічны факультэт у Гомельскі дзяржаўны тэхнічны ўніверсітэт, які скончыў у 2004-м.
Віталь займаецца бізнэсам. Спачатку ён спецыялізаваўся на сэндвіч-панэлях для будаўніцтва дамоў. А з 2018 года ўзначальвае кампанію «Еўрапейскія будаўнічыя тэхналогіі».
Кампанія пастаўляе будаўнічыя матэрыялы на аб'екты будаўніцтва. У асноўным яны працавалі ў Гомелі — напрыклад, пастаўлялі дахавае крыццё для гандлёвага цэнтра «Бульвар», які знаходзіцца на гомельскім вакзале. Працаваў ён і з дзяржаўнымі фірмамі.
Невядома, калі Віталя затрымалі, але сацсеткі перасталі абнаўляцца ў сярэдзіне верасня 2024 года. Апошні ягоны апдэйт — відэа з адпачынку ў Грузіі. З таго часу Пятрэнка нідзе не анлайн.
Віталя Пятрэнку пачынаюць судзіць 10 сакавіка 2025 года ў Гродзенскім абласным судзе. Яго вінавацяць па двух артыкулах — «паклёп на Лукашэнку» (ч. 2 арт. 367 КК) і «распальванне варожасці» (ч. 1 арт. 130 КК). Бізнэсмену пагражае да шасці гадоў калоніі.
«Наша Нiва» — бастыён беларушчыны
ПАДТРЫМАЦЬМінскаму бізнэсмену Саўрыцкаму і ягонай сям'і пагражае па 12 гадоў за «распальванне варожасці»
Маладую мінчанку, якая займалася альтэрнатыўнай медыцынай, асудзілі па трох палітычных артыкулах. Імаверная прычына — каментары ў тэлеграме
Гамельчука Паўла судзяць за каментары ў тэлеграме, хоць ён выдаліў акаўнт за тры гады да затрымання
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары