Biznesmiena z Hrodzienščyny buduć sudzić za palityku. Apošniaje, što jon apublikavaŭ — videa z adpačynku ŭ Hruzii
U Vitala Piatrenki biznes u śfiery budaŭnictva. Jaho vinavaciać u «paklopie na Łukašenku» i «raspalvańni varožaści».
Vitalu Piatrenku 46 hadoŭ. Pa źviestkach z sacsietak, jon rodam z Hrodzienščyny, ź vioski Miratyčy Karelickaha rajona. U mužčyny jość žonka i dzicia.
Paśla škoły jon pajšoŭ u Homielski mašynabudaŭničy technikum. Z 1997 pa 1999 hady słužyŭ u vojsku, a paśla pastupiŭ na humanitarna-ekanamičny fakultet u Homielski dziaržaŭny techničny ŭniviersitet, jaki skončyŭ u 2004-m.
Vital zajmajecca biznesam. Spačatku jon śpiecyjalizavaŭsia na sendvič-panelach dla budaŭnictva damoŭ. A z 2018 hoda ŭznačalvaje kampaniju «Jeŭrapiejskija budaŭničyja technałohii».
Kampanija pastaŭlaje budaŭničyja materyjały na abjekty budaŭnictva. U asnoŭnym jany pracavali ŭ Homieli — naprykład, pastaŭlali dachavaje kryćcio dla handlovaha centra «Bulvar», jaki znachodzicca na homielskim vakzale. Pracavaŭ jon i ź dziaržaŭnymi firmami.
Nieviadoma, kali Vitala zatrymali, ale sacsietki pierastali abnaŭlacca ŭ siaredzinie vieraśnia 2024 hoda. Apošni jahony apdejt — videa z adpačynku ŭ Hruzii. Z taho času Piatrenka nidzie nie anłajn.
Vitala Piatrenku pačynajuć sudzić 10 sakavika 2025 hoda ŭ Hrodzienskim abłasnym sudzie. Jaho vinavaciać pa dvuch artykułach — «paklop na Łukašenku» (č. 2 art. 367 KK) i «raspalvańnie varožaści» (č. 1 art. 130 KK). Biznesmienu pahražaje da šaści hadoŭ kałonii.
«Naša Niva» — bastyjon biełaruščyny
PADTRYMAĆMinskamu biznesmienu Saŭryckamu i jahonaj siamji pahražaje pa 12 hadoŭ za «raspalvańnie varožaści»
Maładuju minčanku, jakaja zajmałasia alternatyŭnaj miedycynaj, asudzili pa troch palityčnych artykułach. Imaviernaja pryčyna — kamientary ŭ telehramie
Hamielčuka Paŭła sudziać za kamientary ŭ telehramie, choć jon vydaliŭ akaŭnt za try hady da zatrymańnia
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary