Microsoft афіцыйна закрывае Skype пасля 22 гадоў працы месенджара
Microsoft афіцыйна аб’явіла пра спыненне падтрымкі Skype ў маі 2025 года.
Microsoft афіцыйна пацвердзіла, што ў маі 2025 года спыніць падтрымку Skype. Карыстальнікам прапануецца пераходзіць на Microsoft Teams, які ўжо даўно стаў прыярытэтнай платформай кампаніі, піша Securitylab.
Паведамленне аб закрыцці Skype было выяўлена ў апошняй тэставай версіі праграмы для Windows. У ім гаворыцца: Пачынаючы з мая, Skype больш не будзе даступны. Працягвайце званкі і чаты ў Teams».
Таксама дадатак паведамляе карыстальнікам, што некаторыя іх кантакты ўжо перайшлі на Teams Free. Microsoft Teams становіцца асноўнай камунікацыйнай платформай кампаніі як для бізнэсу, так і для звычайных карыстальнікаў.
Skype запушчаны ў 2003 годзе. У 2011 годзе сэрвіс набыў Microsoft і пачаў актыўна яго прасоўваць, нават закрыўшы дзеля гэтага Windows Live Messenger.
У 2015 годзе кампанія спрабавала інтэграваць Skype у Windows 10, стварыўшы асобныя праграмы для відэазванкоў, паведамленняў і звычайных званкоў. Але праз дзевяць месяцаў ад гэтага адмовіліся, вярнуўшыся да класічнай Win32-версіі.
У 2017 годзе Microsoft запусціла Teams, які быў пабудаваны на тэхналогіях Skype. Кампанія актыўна прасоўвала новую платформу для сумеснай працы, робячы закрыццё Skype пытаннем часу.
Калі ў 2021 годзе выйшла Windows 11, у сістэму ўбудавалі бясплатную версію Teams замест Skype. Гэта стала чарговым сігналам, што Microsoft адмаўляецца ад старога месенджара.
Цяпер гэта афіцыйна: з мая 2025 года карыстальнікі пачнуць атрымліваць апавяшчэнні пра неабходнасць пераходу на Microsoft Teams.
Microsoft пакуль не дала афіцыйных каментарыяў наконт канчатковага закрыцця Skype, але рашэнне аб спыненні падтрымкі ўжо прынята.
Бяспалаў канчаткова рассварыўся з Ціханоўскім: Для яго добры толькі адзін чалавек — Пракоп'еў55
Каментары