У беларускай краме заўважылі шакалад вельмі незвычайнага выгляду ВІДЭА
Зайшоўшы ў адну са сталічных крам, тыктокер выявіў «самы дзіўны шакалад» у Беларусі. Мужчына выказаў здагадку: можа, ён і смачны, але выглядае вельмі незвычайна, піша Telegraf.news.
Шакалад пад арыгінальнай назвай «Закусон інтэлігента» выглядае як прыкладна дзесяць цукерак у форме невялікіх, але даволі праўдападобных рыбін. Калі глядзіш на ўпакоўку, ствараецца ўражанне, быццам купляеш ня дэсерт, а шпроты ў алеі.
Цана адной упакоўкі вагой 100 грамаў складае 8,99 рубля, расказаў блогер.
На папулярным расійскім маркетплэйсе журналісты Telegraf.news адшукалі шакалад і даведаліся, што робяць яго ў Расіі, а
кожная цукерка «старанна абгорнутая ў фальгу» з мэтай «ідэальна перадаць форму і дэталі рыбы: плаўнікі, луску і вочкі». Па словах прадаўца, такая ўпакоўка «дадае падарунку асаблівага шыку і арыгінальнасці».
Дарэчы, у лінейцы вытворцы прадстаўленыя і іншыя не менш арыгінальныя назвы, такія як «Закусон алігарха» і «Народны закусон». Гэта горкія і малочныя шакаладныя цукеркі са сметанковым начыннем. У кожнай упакоўцы па 100 грамаў.
У каментарах думкі адносна гэтага прадукту разышліся кардынальна. Для адных ён смачны, а для іншых «зусім нясмачны» і «на троечку», а купляць яго варта «толькі па прыколе, каб дарыць рыбакам».
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары