U biełaruskaj kramie zaŭvažyli šakaład vielmi niezvyčajnaha vyhladu VIDEA
Zajšoŭšy ŭ adnu sa staličnych kram, tyktokier vyjaviŭ «samy dziŭny šakaład» u Biełarusi. Mužčyna vykazaŭ zdahadku: moža, jon i smačny, ale vyhladaje vielmi niezvyčajna, piša Telegraf.news.
Šakaład pad aryhinalnaj nazvaj «Zakuson intelihienta» vyhladaje jak prykładna dziesiać cukierak u formie nievialikich, ale davoli praŭdapadobnych rybin. Kali hladziš na ŭpakoŭku, stvarajecca ŭražańnie, byccam kuplaješ nia desiert, a šproty ŭ alei.
Cana adnoj upakoŭki vahoj 100 hramaŭ składaje 8,99 rubla, raskazaŭ błohier.
Na papularnym rasijskim markietpłejsie žurnalisty Telegraf.news adšukali šakaład i daviedalisia, što robiać jaho ŭ Rasii, a
kožnaja cukierka «staranna abhornutaja ŭ falhu» z metaj «idealna pieradać formu i detali ryby: płaŭniki, łusku i vočki». Pa słovach pradaŭca, takaja ŭpakoŭka «dadaje padarunku asablivaha šyku i aryhinalnaści».
Darečy, u liniejcy vytvorcy pradstaŭlenyja i inšyja nie mienš aryhinalnyja nazvy, takija jak «Zakuson aliharcha» i «Narodny zakuson». Heta horkija i małočnyja šakaładnyja cukierki sa śmietankovym načyńniem. U kožnaj upakoŭcy pa 100 hramaŭ.
U kamientarach dumki adnosna hetaha praduktu razyšlisia kardynalna. Dla adnych jon smačny, a dla inšych «zusim niasmačny» i «na troječku», a kuplać jaho varta «tolki pa prykole, kab daryć rybakam».
Ciapier čytajuć
Top sučasnych elitnych žyllovych kompleksaŭ Minska. Kvadrat tam kaštuje da 11 000 dalaraŭ3
Kamientary