Доля айчынных тавараў у крамах цяпер складае 56,4%, паведаміла старшыня Савета Рэспублікі, упаўнаважаная па Мінску Наталля Качанава на нарадзе ў Мінгарвыканкаме, піша «Спутнік».
Качанава адзначыла, што доля беларускіх тавараў знізілася на 3%.
«У нас для гэтага ёсць кіраўнікі адміністрацый (раёнаў Мінска). У нас ёсць людзі, якія працуюць і павінны кантраляваць гэтыя пытанні», — заявіла Наталля Качанава.
Яна падкрэсліла, што айчынныя тавары павінны быць «у шырокім асартыменце» на паліцах нашых крамаў.
«Акрамя таго, яны павінны знаходзіцца на самых прыкметных месцах. Так, мы гэтага не заўсёды бачым», — дадала Качанава.
Таксама яна звярнулася да прадстаўнікоў буйных гандлёвых сетак, якія прысутнічалі на нарадзе:
«Мы калісьці дамовіліся (аб прасоўванні беларускіх тавараў), але я вам скажу: я бываю ў крамах і бачу, што гэта не заўсёды так. На гэта трэба звярнуць асаблівую ўвагу», — адзначыла Качанава.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары