Мінпрацы канкрэтызуе спіс прафесій, на якія можна будзе браць на працу непаўналетніх
Міністэрства працы і сацыяльнай абароны Беларусі падрыхтавала новы спіс работ, на якіх дазволеная праца непаўналетніх. Дакумент, які, як паведамляецца, з'явіцца ў найбліжэйшы час, павінен пашырыць пералік даступных для падлеткаў прафесій і канкрэтызаваць фармулёўкі.
У Міністэрстве працы патлумачылі, што змены былі ўнесеныя «па шматлікіх просьбах» кадравых спецыялістаў. Ім было цяжка супаставіць вакансіі, на якія прэтэндуюць непаўналетнія, з дзейным спісам забароненых работ. У цяперашнім спісе пазначаныя толькі віды работ (напрыклад, буравыя, падземныя, падводныя), што ўскладняла адназначную трактоўку. Таму ў новым дакуменце ведамства вырашыла пералічыць канкрэтныя прафесіі.
Ужо вырашана, што пералік прафесій, даступных для непаўналетніх, будзе істотна пашыраны. У агульным ліку падлеткам стануць даступныя больш за 160 рабочых прафесій. У прыватнасці, ім будзе дазволена працаваць:
- у паліграфічнай вытворчасці: карэктарам, аператарам электроннага набору і вёрсткі, аператарам электроннага колеравыдзялення, друкаром.
- на вытворчасці прадуктаў харчавання: кулінарам, кандытарам, кухарам.
У міністэрстве таксама паведамілі, што наступным крокам стане перагляд і пашырэнне пераліку лёгкіх відаў работ, якія могуць выконваць падлеткі ва ўзросце ад 14 да 16 гадоў.
Цяпер чытаюць
Выбітыя дзверы, маскі-шоу, затрыманне топ-менеджараў. Пачаўся пагром «Еўраопта»13
Каментары