У Мінпрацы расказалі, як можна павялічыць пенсію пры адмове ад яе
Начальніца Галоўнага ўпраўлення пенсійнага забеспячэння Міністэрства працы і сацыяльнай абароны Алена Гамарава патлумачыла БелТА, што кожны беларус можа паўплываць на сваю пенсію.
Па словах Гамаравай, першая праграма, якая дзейнічае ў Беларусі даўно, — адкладзеная пенсія.
«Чалавек пры дасягненні пенсійнага ўзросту афармляе пенсію, але, працягваючы працаваць, можа адмовіцца ад яе атрымання», — сказала чыноўніца.
Яна патлумачыла, што тады, калі такі беларус не зможа працаваць, то да яго будзе задзейнічаная бонусная праграма. Памер пенсіі будзе павялічаны ў залежнасці ад таго, на які менавіта перыяд супрацоўнік адмовіўся ад яе. Мінімальны такі тэрмін — два месяцы, а перыяд максімальнага не вызначаецца, могуць быць і 10, і 15 гадоў.
Бонусная праграма прадугледжвае наступнае: пры адмове ад атрымання пенсіі на два месяцы ў якасці бонуса налічваецца яшчэ 1%.
«Калі ты ў выніку адмаўляешся на год — 6%, на два гады — плюс 8%, на тры гады — плюс 10%, на чатыры гады — плюс 12%, на пяць гадоў і больш — па 14%», — тлумачыць прадстаўніца Мінпрацы.
Гамарава заявіла, што за пяць гадоў у выпадку адмовы ад пенсіі можна павялічыць яе памер практычна ў два разы.
Цяпер чытаюць
Мінск сёння вечарам пагрузіўся ў цемру. Пасля загаду Лукашэнкі51
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары