Грамадства3535

Пайшоў з жыцця 32-гадовы Максім Чарняўскі — заснавальнік суполкі «Надакучыў нам гэты Лукашэнка» пачатку 2010-х

Хлопец цяжкага лёсу, якога спрабаваў завербаваць КДБ, з’ехаў з Беларусі, а ў Польшчы паступова адышоў ад журналістыкі і палітыкі. Максім адчуў сябе жанчынай, але ўрэшце ажаніўся і стаў бацькам двайнят. Праблемы ў сям’і прывялі да суіцыду.

Максім Чарняўскі. Фота: сацсеткі

Колішні беларускі апазіцыйны актывіст Максім Чарняўскі пайшоў з жыцця на фоне сямейных праблем. Пра гэта «Нашай Ніве» расказалі яго сябры. Трагедыя адбылася некалькі дзён таму.

«Даруй, Божа. Я вельмі люблю маіх дачушак. Ружа і Ліля — вы маё шчасце і мой сэнс жыцця. Я без вас не магу. А яны забіраюць… Прабачце мне. Я вельмі вас люблю і заўсёды буду любіць. Ваш тата. Будзьце крыху дабрэйшымі, калі ласка. Гэтаму свету так не хапае дабрыні…» — напісаў Максім Чарняўскі ўвечары 14 сакавіка, пасля чаго перастаў выходзіць на сувязь.

Чарняўскі стаў вядомы ў 2011 годзе пасля таго, як зліў кадэбэшніка, які спрабаваў яго вербаваць, апублічыўшы аўдыя перамоваў з супрацоўнікам органаў і яго здымак. Пасля гэтага ўчынку Максіму, на той момант студэнту журфака БДУ, адміністратару суполкі «Надакучыў нам гэты Лукашэнка» і стваральніку сайта Gonzo.by, прыйшлося з’ехаць з Беларусі.

Ён пасяліўся ў Польшчы, працягнуў там адукацыю. Чарняўскі расказваў «Нашай Ніве», што нейкі час працаваў мадэратарам у рускамоўным сегменце сацсетак. За мяжой ён таксама перавучыўся на айцішніка і апошнім часам быў уладкаваны ў польскай страхавой кампаніі. Таксама Максім цікавіўся дызайнам чалавека і астралогіяй. Як спікер павінен быў выступаць на чарговым тэматычным фестывалі «Шамана» гэтым летам.

Максім Чарняўскі. Фота: сацсеткі

Па словах хлопца, пасля першага няўдалага шлюбу ён адчуў сябе жанчынай і збіраўся змяняць пол. Прайшоў усе псіхалагічныя тэсты, пачаў планаваць аперацыю, аднак перадумаў, калі сустрэўся з будучай другой жонкай. У пары нарадзіліся блізняты.

Калі вы ў Беларусі і адчуваеце сябе псіхалагічна дрэнна, памятайце, што ў краіне кругласуткава працуе рэспубліканская тэлефонная «гарачая лінія» па аказанні псіхалагічнай дапамогі. «Тэлефон даверу» для дарослых: 8 (017) 352-44-44, 8 (017) 304-43-70.

«Тэлефон даверу» для дзяцей і падлеткаў: 8 (017) 263-03-03.

У эміграцыі раім звяртацца ў профільныя арганізацыі па месцы жыхарства. Адзін з варыянтаў — служба «Адно акно».

Каментары35

  • БББ
    17.03.2025
    Ну як жа так?
  • Убогій мір
    17.03.2025
    Пражыў цікавае, паўнавартаснае жыцце. Багата хто ў свае 30 анічога замест пейзажыку ў акенца, аднае, а потым іншае, небачыў. Што б напісалі пра мяне? Таму ў меня дваякасьць нейкая ад гэтае навіны. З аднаго боку цяжкій лес чалавека, трагічна абарвалася жыцце, але з іншага жыцце.. складана разважаць чалавеку ў якога немае жыцця. Шчыра кажучы, гэта можна сказать пра 90% людей ў Беларусі, дакладна - НІЧОГА.
  • XX/XY
    17.03.2025
    СМІ і медыя, якія прапагавалі транспрапаганду, а таксама абміналі публікацыі пра сувязь транс і псіхічных хваробаў, павінны задумацца. Без розніцы за грошы ці ідэйна.

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць