У польскіх Катавіцах адбыўся напад на беларускага мастака, рэжысёра і ілюстратара Аляксандра Канавалава.

«Вяртаючыся з канцэрта гурта «Калібр 44» у Катавіцах у гатэль, я атрымаў удар і … нічога не памятаю. Але ёсць і плюсы — я выглядаю як манекен Balenciaga, і ў мяне ёсць праца на наступныя два месяцы. Два пераломы сківіцы, удар. Ну і з'явілася новая фінансавая мэта — уставіць тры пярэднія зубы. Я аб'ездзіў паўсвету, і ўсё ж менавіта тут мяне сустрэла такая прыгода. (…) Вялікі дзякуй прафесару, усім дактарам, медсёстрам з аддзялення сківічна-тварнай хірургіі ў Катавіцах — поўны прафесіяналізм», — напісаў ён у сваім фэйсбуку.
Аляксандр Канавалаў — польскі мастак, рэжысёр і ілюстратар беларускага паходжання. Лаўрэат розных прэміяў і арганізатар шматлікіх выставаў. Працаваў над польскім мультсерыялам «Kajko i Kokosz» (2021 год), мультфільмам «Elo złomy» (2022).
-
Кашалёк Лукашэнкі стаў уладальнікам брэнду музычнага фестывалю, куды запрашаюць расійскіх Z-спевакоў
-
«Літва — зона камфорту». Як 21-гадовая беларуска бясплатна вучыцца ў тэхнічным універсітэце і працуе ў IT
-
У Мінску — усплёск рэспіраторных захворванняў. Каля дзіцячай інфекцыёнкі знялі чаргу з машын хуткай дапамогі
Каментары