Вайна33

На фронце ва Украіне знік без вестак яшчэ адзін беларус, які паваяваў на баку Расіі месяц

На вайне ва Украіне знік грамадзянін Беларусі Андрэй Кулага, які ваяваў на баку Расіі. Як паведамілі «Радыё Свабода» ў праекце «Не жди меня из Украины», па дапамогу ў пошуках звярнулася яго дачка Таццяна.

Шаўрон ПВК «Ястраб»

«2 кастрычніка 2024 года ён пайшоў. У 8:30 раніцы ён здаў тэлефон і з гэтага дня больш ніколі не выходзіў на сувязь», — паведаміла дзяўчына.

Паводле інфармацыі праекта, Андрэй Кулага нарадзіўся 2 чэрвеня 1979 года і жыў у Магілёве. У верасні 2024 года ён падпісаў кантракт з прыватнай вайсковай кампаніяй «Ястраб», ваяваў пад пазыўным «Алекс». З 6 лютага 2025 года яго лічаць зніклым без вестак.

У 2024 годзе Андрэя Кулагу шукалі пры дапамозе пошукава-выратавальнага атрада «Фенікс». Згодна з тагачаснай аб'явай, ён знаходзіўся ў Санкт-Пецярбургу, а з кастрычніка знік. Сярод асаблівых прыкмет там пералічвалі татуіроўку на плячы ў выглядзе шчыта і мяча з подпісам «Связь».

Новыя абвесткі пра яго пошук пачалі размяшчаць у студзені 2025 года, але ўжо 19 студзеня пад адной з такіх публікацый аўтарка дапісала каментар «знойдзены, жывы».

Што вядома пра ПВК «Ястраб»

У лютым 2023 года ва Украіне заявілі, што ў Расіі стварылі ПВК «Ястраб», каб нібыта выціснуць ПВК «Вагнер» і яе заснавальніка Яўгена Прыгожына з інфармацыйнай прасторы.

Але ПВК «Ястраб» дзейнічае з 2014 года, хоць афіцыйна яе зарэгістравалі толькі ў 2018 годзе ў Санкт-Пецярбургу. Заснавальнік кампаніі — Аляксей Марушчанка. Спачатку яна пазіцыянавала сябе як «падраздзяленне перамоўнікаў». Афіцыйны статут ПВК прадугледжвае 46 відаў дзейнасці, але асноўны — «дзейнасць у расследаванні».

У публікацыях, прысвечаных гэтай кампаніі (якіх няшмат), сцвярджаецца, што яна займаецца суправаджэннем і аховай каштоўных грузаў, суправаджае марскія караблі, ахоўвае аб'екты нафтагазавай прамысловасці, масавыя мерапрыемствы, а таксама садзейнічае «пошуку зніклых без вестак у небяспечных раёнах і зонах баявых дзеянняў і садзейнічае ў абмене палоннымі».

У той жа час сам Аляксей Марушчанка сцвярджае, што байцы ПВК «Ястраб» ваявалі ў Сірыі, Лівіі, а з 2014 года на ўкраінскім Данбасе.

У верасні 2022 года ў складзе ПВК было 150 наймітаў. Пра цяперашнюю колькасць дакладнай інфармацыі няма.

Адразу пасля падпісання кантракту кіраўніцтва ПВК абяцае пералічыць найміту 1,8 мільёна расійскіх рублёў, а далей выплачваць ад 210 тысяч кожны месяц.

Раней стала вядома пра знікненне без вестак ва Украіне беларусаў Яўгена Ільіна, Міхаіла Шалгуна, Сяргея Аўсяннікава, Дзмітрыя Губіцкага. Яшчэ адзін беларус — Ігар Хасанаў, якога шукалі сваякі, пазней знайшоўся з раненнем у адным з шпіталяў у акупаванай частцы Луганскай вобласці. Усе яны ваявалі на баку Расіі.

Каментары3

  • старый литвин
    21.03.2025
    [Рэд. выдалена]
  • цыкада
    21.03.2025
    уехал на концерт к кобзону
  • Проста жыхар
    21.03.2025
    Ужо нават не цікава. Адзінае, што "знік без вестак" — значыць не памёр, і сваякі не маюць права атрымання кампенсацыі. Але гэта ўжо іх праблема, што выгадавалі дурня.

Цяпер чытаюць

Раман Пратасевіч асвоіў прафесію бармена і адшукаў працу. Вось у якім бары можна яго знайсці6

Раман Пратасевіч асвоіў прафесію бармена і адшукаў працу. Вось у якім бары можна яго знайсці

Усе навіны →
Усе навіны

У Беларусі падаражэюць новыя аўтамабілі, а выбар у дылераў стане больш сціплым. Што змяняецца1

«Прыязджаеш без офера — будзе цяжка». Айцішнік-сеньёр працуе ў швейцарскім банку. Вось як да гэтага ішоў7

Загінуў камандзір 155-й брыгады, вайскоўцаў якой абвінавачвалі ў забойствах жыхароў Бучы8

Стала вядома, па якім механізме спісваліся грошы з банкаўскіх картак беларусаў падчас маштабнага збою7

У Мінску прадаецца кватэра з рэальна ўнікальным відам з ванны8

На МТЗ працуюць 142 замежнікі з Бурундзі, Конга, Камеруна, Малі і Нігерыі15

Зноў да +30. Надвор'е на выходныя3

«Я ўжо развітвалася з мужам, баялася больш не пабачыцца». У беларускі ў 26 гадоў здарыўся інсульт13

Гісторыка, які працаваў у ваенкамаце ў Мастах, асудзілі па цэлым пакеце палітычных артыкулаў3

больш чытаных навін
больш лайканых навін

Раман Пратасевіч асвоіў прафесію бармена і адшукаў працу. Вось у якім бары можна яго знайсці6

Раман Пратасевіч асвоіў прафесію бармена і адшукаў працу. Вось у якім бары можна яго знайсці

Галоўнае
Усе навіны →

Заўвага:

 

 

 

 

Закрыць Паведаміць