Прэзідэнты ЗША і Украіны размаўлялі на наступны дзень пасля перамоў Трампа і Пуціна.
«Толькі што адбылася вельмі добрая тэлефонная размова з прэзідэнтам Украіны Зяленскім. Яна працягнулася каля гадзіны. Большая частка абмеркавання была заснаваная на ўчорашняй тэлефоннай размове з прэзідэнтам Пуціным, мэтай якой было ўзгадніць запыты і патрэбы Расіі і Украіны.
Мы рухаемся наперад па вызначаным шляху, і я папрашу дзяржсакратара Марка Рубіа і дарадцу па нацыянальнай бяспецы Майкла Уолца даць дакладнае апісанне пытанняў, якія абмяркоўваюцца. Гэтая заява будзе апублікаваная найбліжэйшым часам», — напісаў Трамп у сваёй сатсетцы Truth.
Афіцыйных вынікаў размовы паміж Кіевам і Вашынгтонам яшчэ не было.
18 сакавіка адбылася тэлефонная размова Трампа і Пуціна. Яе Трамп таксама вызначыў як «вельмі добрую і прадуктыўную». Паведамлялася, што Пуцін падтрымаў ідэю Трампа аб узаемнай адмове Расіі і Украіны на 30 дзён ад удараў па энергетычнай інфраструктуры і даў такую каманду вайскоўцам.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары