У ГЗЦ Prizma на станцыі метро «Партызанская» адкрыецца вялікая крама сеткі Swed House. У ёй будуць прадаваць мэблю і тавары IKEA. Пра гэта выданню Myfin.by расказаў дэвелапер — кампанія «Сігмаполюс».
Крама размясцілася на трэцім узроўні ГРЦ Prizma. Яе плошча — каля 400 «квадратаў», і яна будзе адной з самых вялікіх у краіне.
У краме прапануюць тавары IKEA. Іх дапаўняюць вырабы ўласнай вытворчасці Swed House. Будзе прадстаўлена і прадукцыя фабрык, якія раней працавалі са шведскім брэндам.
Усе тавары, як запэўніваецца, будуць вытрыманыя ў стылі мінімалізму і адпавядаць высокай якасці вядомай маркі. На паліцах можна будзе знайсці мэблю, посуд, тэкстыль, цацкі і розныя аксесуары.
Як расказалі ў кампаніі, на ўсе пазіцыі абяцаюць даступныя цэны. У ГЗЦ разлічваюць, што з новай крамай запаўняльнасць перавысіць 84%, што з'яўляецца адным з самых высокіх паказчыкаў у гісторыі гандлёвай нерухомасці ў Менску.
У найбліжэйшых планах ГЗЦ таксама адкрыццё крам абутку Marko, мужчынскіх касцюмаў Gent, жаночага адзення Alisa, а таксама «Зялёнай аптэкі».
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары
[Зрэдагавана]