Што за яны?
Фота: svoya-ptica.com
Дырэктарка Салігорскай птушкафабрыкі Іна Талкачова расказала на СТБ, што яны плануюць выпускаць для продажу блакітныя яйкі.
«Калі мы выходзілі на рынак, у нас была цікавая парода птушак, якая давала блакітныя яйкі. Блакітныя, зялёныя. Мы бралі гэта ўсё ў Чэхіі. Але [потым] неяк усё не маглі прывезці, таму што там то птушыны грып, то яшчэ нешта».
Цяпер птушкафабрыка плануе купіць такія яйкі ў беларускага фермера.
«У нас ёсць свой інкубатар, ён застаўся ад перапёлкі. І [хочам] паспрабаваць самім вывесці», — падзялілася Талкачова.
Каляровыя яйкі нясуць курыцы пароды араўкана. Шкарлупіна ў іх мае незвычайны колер праз спецыфічны ген.
Каментары