У грамадскія прыёмныя прафсаюзаў у лютым паступіла больш за 20 скаргаў на якасць тавараў, большасць скаргаў датычылася якасці прадуктаў у некаторых крамах, пішуць Мінск-навіны.
Найбольш распаўсюджаныя выпадкі: адзін з мінчукоў знайшоў у краме чэрствы батон. Пасля звароту хлеб быў зняты з продажу.
У іншага пакупніка ў аўсяных шматках аказаліся насякомыя. Аднак упакоўку ён адкрыў праз працяглы час пасля куплі, таму немагчыма было дакладна ўстанавіць, дзе былі парушаныя ўмовы захавання — у краме ці ў самога пакупніка.
Сталічныя спажыўцы таксама скардзіліся на адсутнасць некаторых тавараў — у прыватнасці, замарожанай ялавічыны і кававых напояў на аснове ячменю.
У Гродзенскай вобласці пакупнік застаўся незадаволены смятанай, якая аказалася занадта вадкай.
Кожны зварот разглядаецца, і ў большасці выпадкаў спецыялісты выязджаюць на месца для праверкі.
Акрамя прыёму скаргаў, грамадзяне могуць атрымаць кансультацыю па пытаннях спажывецкага рынку.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары