Падчас сваёй паездкі ў Мурманск 27 сакавіка прэзідэнт Расіі Уладзімір Пуцін выступіў на Міжнародным арктычным форуме і адзначыў, што амерыканскія планы займець Грэнландыю маюць «даўнія гістарычныя карані» і не з'яўляюцца «чымсьці экстравагантным».
«Такія планы ў Злучаных Штатаў Амерыкі праявіліся яшчэ ў 60-я гады XIX стагоддзя. Ужо тады амерыканская адміністрацыя разглядала магчымасць анексіі Грэнландыі і Ісландыі, але гэтая ідэя не атрымала тады падтрымку Кангрэса», — заявіў Пуцін.
Таксама ён нагадаў, што ў 1868 годзе амерыканская прэса скептычна ставілася да куплі Аляскі, называючы яе «вар'яцтвам», «ледзяной скрыняй» і «садам белых мядзведзяў Эндру Джонсана» — тагачаснага прэзідэнта ЗША.
«Але сёння набыццё Аляскі, напэўна, ацэньваецца ў саміх Злучаных Штатах зусім інакш — гэтак жа як і дзейнасць прэзідэнта Эндру Джонсана», — сказаў Пуцін.
Таксама ён дадаў, што ў XX стагоддзі ЗША рабілі спробы займець Грэнландыю ў 1910 годзе і пасля заканчэння Другой сусветнай вайны.
«Падчас Другой сусветнай вайны ЗША размясцілі ў Грэнландыі вайсковыя базы для абароны ад захопу яе нацыстамі. А пасля заканчэння вайны Штаты прапанавалі Даніі выкупіць гэтыя астравы. Зусім нядаўна па мерках сусветнай гісторыі. Словам, гаворка ідзе пра сур'ёзныя планы з амерыканскага боку ў дачыненні да Грэнландыі», — адзначыў Пуцін.
«Таму нічога дзіўнага ў тым, што адбываецца сёння, няма. […] ЗША будуць і далей на сістэмнай аснове прасоўваць свае геастратэгічныя, вайскова-палітычныя і эканамічныя інтарэсы ў Арктыцы», — мяркуе ён.
Да Расіі ж ідэя Дональда Трампа анексаваць Грэнландыю, маўляў, не мае ніякага дачынення і тычыцца толькі «дзвюх канкрэтных дзяржаў» — ЗША і Даніі.
Вэнс заявіў, што Трампа «не хвалюе лямант еўрапейцаў» адносна Грэнландыі
Трамп патлумачыў кіраўніку НАТА, чаму ЗША патрэбная Грэнландыя
На выбарах у Грэнландыі перамагла партыя, якая выступае за саюз з Даніяй
За прэтэнзіямі Трампа на Панаму, Канаду і Грэнландыю можа хавацца тонкі перамоўны разлік
Чаму Трамп загаварыў пра Грэнландыю?
Цяпер чытаюць
ДФР кашмарыць транспартнікаў: у вялікіх лагістычных аператараў крымінальныя справы, вобшукі і арышты17
Каментары