«Я назіраў за гэтым усё жыццё». Сын Трампа падзяліўся меркаваннем пра новыя гандлёвыя пошліны
Эрык Трамп, малодшы сын прэзідэнта ЗША, выказаўся на платформе X наконт увядзення гандлёвых пошлін, ініцыяванага яго бацькам.
«Я б не хацеў апынуцца ў ліку апошніх краін, што вырашылі заключыць здзелку з [Дональдам Трампам]. Хто першым уступіць у перамовы — той выйграе, а хто затрымаецца, непазбежна прайграе. Я назіраў за гэтым спектаклем усё сваё жыццё…» — піша ён у X.
Эрык з’яўляецца трэцім дзіцем прэзідэнта — пасля брата Дональда-малодшага і сястры Іванкі, піша Bild.
Акрамя таго, у яго ёсць два малодшыя зводныя браты ад іншых шлюбаў Трампа — Ціфані і Бэран. Амерыканскія СМІ не раз згадвалі пра магчымую канкурэнцыю паміж дзецьмі прэзідэнта. Так, Дональд Трамп нярэдка называў Іванку сваёй «улюбёнай дачкой», а падчас першага прэзідэнцтва яна займала прыкметнае месца ў Белым доме ў якасці афіцыйнай дарадцы.
Разам са старэйшым братам Дональдам-малодшым Эрык кіруе Trump Organisation — кампаніяй, што ляжыць у аснове сямейнага бізнесу ў сферы нерухомасці. Маёмасць Эрыка ацэньваецца прыкладна ў 300 мільёнаў долараў.
Старшыня Еўракамісіі Урсула фон дэр Ляен заявіла, што ЕС працягне перамовы з Дональдам Трампам па мытным канфлікце, адначасова папярэджваючы пра магчымыя жорсткія контрмеры.
«Дзень вызвалення Амерыкі». Дональд Трамп абвясціў усяму свету гандлёвую вайну
«Еўропа гатовая адказаць». Урсула фон дэр Ляен пракаментавала абвешчаную Трампам гандлёвую вайну
Акцыі ЗША пасля аб'яўлення Трампам гандлёвай вайны патаннелі амаль на $3 трыльёны за гадзіну
Цана нафты Brent упершыню за 3,5 года ўпала ніжэй за $68 за бараль
Супраць Беларусі тарыфы Трампа не ўведзеныя
Цяпер чытаюць
Пракурорскі начальнік абурыўся неабгрунтаванымі затрыманнямі беларусаў11
Каментары
Фактычна ў таго грошы ад свайго бацькі, 6 банкрупцтваў, поспех за кошт сістэматычнага кідання падрадчыкаў, шмат судоў з імі пасля.
Эрык зараз проста падыгрывае свайму бацьку. Дапамагае стварыць ажыятаж і прымусіць да згоды ў здзелках ва ўмовах недахопу часу.