Зменены парадак здачы іспыту на правы кіроўцы

Змены ў адпаведную інструкцыю тычацца парадку здачы практычнага экзамена.

Напрыклад, прыбіраюцца такія паняцці, як першы (на аўтадроме) і другі (ва ўмовах рэальнага дарожнага руху) этапы практычнага экзамену. Цяпер абодва працэсы становяцца нібыта раўнапраўнымі і ў тэксце вызначаюцца проста як «здача практычнага экзамену на аўтадроме» і «здача практычнага экзамену ў умовах рэальнага дарожнага руху ў населеным пункце».

Устаноўлена, што практычны экзамен на катэгорыю «B» прымаецца на аўтадроме і ва ўмовах рэальнага дарожнага руху ў населеным пункце, калі не ўстаноўлена іншае (глядзі праз абзац ніжэй).

Практычны экзамен на катэгорыю «С» прымаецца на аўтадроме і ва ўмовах рэальнага дарожнага руху ў населеным пункце. Пры наяўнасці правоў на катэгорыю «B» экзаменуемы дапускаецца да здачы практычнага экзамену на катэгорыю «С» толькі ва ўмовах рэальнага дарожнага руху ў населеным пункце.

Пасля здачы практычнага экзамену на катэгорыю «C» альбо пры наяўнасці правоў на катэгорыю «С» экзаменуемы дапускаецца да здачы практычнага экзамену на катэгорыю «B» толькі ў умовах рэальнага дарожнага руху ў населеным пункце.

Удакладнена, што практычныя экзамены на катэгорыі «B» і «C», якія прымаюцца адначасова, здаюцца на вучэбных аўтамабілях катэгорый «B» і «C» (на аўтадроме — на аўто катэгорыі «B», ва ўмовах рэальнага дарожнага руху ў населеным пункце — на аўто катэгорыі «C» або наадварот).

Практычны экзамен на катэгорыю «D» прымаецца толькі ва ўмовах рэальнага дарожнага руху ў населеным пункце.

Практычны экзамен на катэгорыі «ВЕ», «СЕ» і «DE» прымаецца толькі на аўтадроме.

Практычны экзамен пасля заканчэння тэрміну пазбаўлення, калі па законе патрабуецца здача практычнага экзамену, прымаецца ва ўмовах рэальнага дарожнага руху ў населеным пункце на вучэбным аўтамабілі катэгорыі «B».

У выпадку, калі ў правах пазбаўленай асобы адсутнічае катэгорыя «B», а маецца катэгорыя «C», практычны экзамен прымаецца ва ўмовах рэальнага дарожнага руху ў населеным пункце на вучэбным аўтамабілі катэгорыі «C».

У выпадку, калі ў правах пазбаўленага асобы адсутнічаюць катэгорыі «B» і «C», а маецца катэгорыя «A» або падкатэгорыя «A1», практычны экзамен прымаецца на матацыкле катэгорыі «A» або падкатэгорыі «A1».

Устаноўлена, што для вызначэння навыкаў кіравання транспартнымі сродкамі катэгорый «B», «C», саставамі транспартных сродкаў катэгорый «ВЕ», «СЕ» і «DE» на аўтадроме экзаменуемым выконваюцца тры з указаных у інструкцыі элементаў аўтадрома, вызначаныя экзаменатарам. Раней трэба было выканаць толькі два элементы.

Таксама зменена апісанне першага з пералічаных элементаў — пераадолення пад’ёму (эстакады). Так, удакладнена, што ён выконваецца на вучэбным аўтамабілі з механічнай трансмісіяй без сістэмы дапамогі вадзіцелю пры руху на пад’ёме (за выключэннем сучлененых аўтобусаў і аўтамабіляў з паўпрычэпамі).

Нарэшце, вызначана, што для вызначэння навыкаў кіравання транспартнымі сродкамі катэгорый «B», «C» і «D» ва ўмовах рэальнага дарожнага руху ў населеным пункце абавязковымі элементамі з’яўляюцца:

— праезд па дарозе, якая мае дзве і больш паасы для руху ў адным напрамку (пры іх наяўнасці) з максімальна дазволенай хуткасцю, а таксама з выкананнем бяспечнай дыстанцыі і інтэрвалаў;

— выкананне не менш аднаго развароту на нерэгуляваным скрыжаванні;

— выкананне не менш аднаго левага павароту на скрыжаванні.

Раней у спісе было больш элементаў, а менавіта:

— праезд рэгуляваных і нерэгуляваных скрыжаванняў;

— выкананне двух левых паваротаў на скрыжаванні;

— праезд па дарозе, якая мае дзве і больш палосы для руху ў адным напрамку (пры іх наяўнасці);

— праезд скрыжавання па дарозе, якая перасякаецца галоўнай дарогай;

— перастраенне на ўчастку дарогі, якая мае дзве або больш паласы руху ў адным напрамку;

— праезд пешаходных пераходаў і прыпыначных пунктаў маршрутных транспартных сродкаў;

— рух у транспартным патоку з выкананнем бяспечнай дыстанцыі і інтэрвалаў;

— выкананне двух разваротаў (аднаго на скрыжаванні, аднаго па-за межамі скрыжавання);

— спыненне транспартнага сродку для мэтаў пасадкі (высадкі) пасажыраў;

— уменне правільна ацэньваць дарожную абстаноўку.

• 0
• 0
• 1
• 1
• 0
• 0
• 0
• 0