«Прабачце, беларусы!» Жыхарка Слуцка ўзяла на сябе адказнасць за красавіцкія снегапады
У тыктоку наперабой людзі бяруць на сябе віну за раптоўны вясенні снег. А пачала са шматлікімі падабайкамі і рэпостамі жыхарка Слуцка.
Беларуска ў тыктоку ўзяла на сябе ўсю адказнасць за халоднае і снежнае красавіцкае надвор'е, якое пакуль не хоча змяняцца вясновым цяплом, заўважыў Telegraf.news.
У сваім кароткім вірусным відэа карыстальніца kate.hammer папрасіла прабачэння ў суайчыннікаў, растлумачыўшы, што анамалія здарылася выключна з-за таго, што яна да гэтага часу, у красавіку, не прыбрала навагоднюю ёлку.
Ролік, які заляцеў амаль на 200 000 праглядаў і прадэманстраваў сюррэалістычную для красавіка карціну. У пакоі аўтара стаіць прыбраная навагодняя елка, а адразу за акном — сапраўдны зімовы пейзаж з дрэвамі, захутанымі густым снегам.
«Прабачце мяне, калі ласка. Беларусы, гэта ўсё з-за мяне, — з характэрнай інтанацыяй грэшніка, які каецца, паведамляе голас за кадрам. — Гэта ў мяне ў красавіку ёлка стаіць… І вось гэта вось усё праз мяне. Соры».
Іранічнае «прызнанне віны» і «прабачэнне» чакана знайшлі самы жывы водгук у іншых беларусаў у каментарах. Людзі тут жа падхапілі жарт, прыняліся наперабой браць віну на сябе ці прапаноўваць радыкальныя спосабы барацьбы з «першапрычынай» снежнага красавіка.
Многія вырашылі падзяліць «адказнасць»:
«Не. Гэта я да лета не схуднела! Колькі ж нас сумленных!»
«Не хвалюйцеся, гэта я маразілку не прыкрыў».
«А я думаў, што гэта з-за мяне, я халадзільнік савецкі зачыніць забыўся».
«Не, гэта я вінаватая, у мяне ўчора адпачынак пачаўся».
Знайшліся і прамыя «пацярпелыя»: «З-за вас я не схадзіў сёння на рыбалку. А-а-а-а-а-а».
Нехта здзівіўся недасведчанасці аўтара пра іншыя «анамаліі»: «Вы што, у TikTok першы дзень? Няўжо вы не бачылі, што шмат хто ў студзені ўжо бульбу пасадзіў?»
Памятаеце кадэта, які на сустрэчы з Лукашэнкам смела выступіў па-беларуску? Ён выехаў з краіны21
Каментары